ជំងឺ​ប៉េស្ត​ជ្រូក​អាហ្វ្រិក​ ​ផ្ទុះឡើង​ជាលើកដំបូង​ ​នៅ​កម្ពុជា​

​ភ្នំពេញ​ ​÷​ ​ក្រសួង​កសិកម្ម​ ​រុក្ខាប្រមាញ់​ ​និង​នេសាទ​ ​បាន​ប្រកាស​ថ្មី​ៗ​នេះ​ថា​ ​ជំងឺ​ប៉េស្ត​ជ្រូក​អាហ្វ្រិក​ ​បាន​ផ្ទុះឡើង​ជាលើកដំបូង​ ​នៅ​កម្ពុជា​ ​បន្ទាប់ពី​អគ្គនាយក​ដ្ឋាន​សុខភាព​សត្វ​ ​និង​ផលិតកម្ម​សត្វ​ ​បាន​រក​ឃើញ​វត្តមាន​ជំងឺ​នេះ​ ​ពី​វត្ថុ​វិភាគឈាម​ជ្រូក​ចំនួន​ ​៥ក្បាល​ ​របស់​កសិករ​ចិញ្ចឹម​ជ្រូក​ពូជ​កណ្ដុរ​ជា​លក្ខ​ណៈ​ព្រលែ​ង​ ​ពី​ភូមិ​សោម​កា​និញ​ ​ឃុំ​សោមធំ​ ​ស្រុក​អូរយ៉ាដាវ​ ​ខេត្តរតនគិរី​ ​។​

​ការប្រកាស​នេះ​ ​គឺ​បន្ទាប់ពី​មាន​ករណី​ផ្ទុះ​រាលដាល​បណ្ដាល​ឱ្យ​ជ្រូក​ឈឺ​ ​និង​ងាប់​ជាបន្តបន្ទាប់​ ​ចាប់ពី​ថ្ងៃទី២២​ ​ខែមីនា​ ​ឆ្នាំ២០១៩​ ​មក​ម្ល៉េះ​ ​ហើយ​មន្ទីរ​កសិកម្ម​ខេត្តរតនគិរី​ ​បាន​យក​វត្ថុ​វិភាគ​ជូន​អគ្គនាយក​ដ្ឋាន​សុខភាព​សត្វ​ ​ដើម្បី​ធ្វើការ​ពិនិត្យ​ ​។​

​ក្រសួង​កសិកម្ម​ ​បាន​អំពាវនាវ​ដល់​អភិបាលខេត្ត​រតនគិរី​ ​និង​អាជ្ញាធរ​មូលដ្ឋាន​គ្រប់​លំដាប់ថ្នាក់​ ​ជួយ​ផ្ដល់​កិច្ចសហការ​ក្នុង​ការអនុវត្ត​វិធានការ​បច្ចេកទេស​របស់​មន្ត្រី​ជំនាញ​ ​ក្នុង​ការ​ពង្រឹង​ការទប់ស្កាត់​ចលនា​សត្វ​ជ្រូក​ ​សាច់​ជ្រូក​ ​និង​ផលិតផល​មាន​ដើមកំណើត​ពី​សត្វ​ជ្រូក​ ​ចេញពី​តំបន់​ផ្ទុះ​ជំងឺ​ខាងលើ​ ​ក្នុងរង្វង់​កាំ​ ​៣គីឡូម៉ែត្រ​ ​ដើម្បី​អនុវត្ត​វិធានការ​បច្ចេកទេស​បសុព្យាបាល​ប្រកបដោយ​ប្រសិទ្ធភាព​ខ្ពស់​ ​៕​

​អត្ថបទ​៖​ ​ចាន់​ ​សោភ័ណ្ឌ​លាភ​