Connect with us

លោក​ ​Scott​ ​Neeson​ ​បង្ហាញ​ក្តី​រំភើប​ចំពោះ​ការ​ឆ្លើយតប​នានា​ ​ក្រោយ​ភ្លើង​ឆេះ​សហគមន៍​ពលរដ្ឋ​ក្រីក្រ​

ភ្នំពេញ​ ​÷​ ​លោក​ ​Scott​ ​Neeson​ ​យល់ឃើញ​ថា​ ​ផ្តើម​ចេញពី​សោកនាដកម្ម​ដោយ​ភ្លើង​ឆេះ​សហគមន៍​ ​CCF​ ​ប្រទេស​កម្ពុជា​ ​បាន​ដើរមក​ដល់​ចំណុច​ដ៏​គួរ​ឱ្យ​រំភើប​ក្រៃលែង​មួយ​ ​។​

​លោក​ ​បាន​លើកឡើង​ថា​ ​“​អព្ភូតហេតុ​”​ ​តូច​ៗ​ជាច្រើន​នាំ​អោយ​យើង​មកដល់​ចំណុច​នេះ​ ​។​ ​លោក​ ​សូម​សម្តែង​ចំណាប់​អា​រម្ម​ណ៍​ខ្លី​ៗ​ ​ប៉ុន្តែ​យ៉ាងណាមិញ​ ​មាន​សកម្មភាព​ ​និង​ការចូលរួម​របស់​បុគ្គល​ជាច្រើន​នាក់​ ​ដើម្បី​មកដល់​ចំនុច​នេះ​។​ ​

​លោក​ ​Scott​ ​Neeson​ ​បាន​រម្លឹក​ថា​ ​កាលពី​ថ្ងៃទី១៧​ ​ខែមីនា​ ​កន្លងទៅ​នេះ​ ​អគ្គិភ័យ​ ​បាន​បំផ្លាញ​ផ្ទះ​ប្រជាពលរដ្ឋ​ក្រីក្រ​នៅ​តំបន់​ស្ទឹងមានជ័យ​ ​ដែល​អាច​ចាត់ជា​តំបន់​ក្រីក្រ​ ​និង​លំបាក​បំផុត​នៅក្នុង​ប្រទេស​ ​។​ ​ត្រឹម​រយៈពេល​តែ​កន្លះម៉ោង​ប៉ុណ្ណោះ​ ​គ្រួសារ​ទាំងនោះ​ ​គ្មាន​នៅ​សេសសល់​អ្វី​ឡើយ​ ​ក្រៅពី​សំលៀកបំពាក់​ជាប់​ខ្លួន​ ​។​ ​នេះ​ជា​ទិដ្ឋភាព​ដ៏​អាណោច​អាធម​ចំពោះ​គ្រួសារ​រងគ្រោះ​។​ ​

​ក្នុង​គ្រានោះ​ដែរ​ ​លោក​ ​ស្ថិត​ក្នុង​រដ្ឋ​កា​លី​ហ្វ​ញ៉ា​ ​ហើយ​ត្រូវ​ត្រឡប់​មក​កម្ពុជា​វិញ​នៅ​ថ្ងៃបន្ទាប់​។​ ​នៅមុន​ពេល​មកដល់​កម្ពុជា​ ​ក្រុមការងារ​សេវា​សហគមន៍​ ​(​Community​ ​Outreach​)​ ​ដឹកនាំ​ដោយ​ ​លោក​ ​ហូយ​ ​លាង​ហ័ន​ ​បាន​ជួយ​ផ្លាស់ទី​លំនៅ​គ្រួសារ​ទាំងអស់​នោះ​ ​(​ខ្លះទៅ​នៅ​សាលារៀន​ដែល​នៅ​ក្បែរ​)​ ​ផ្ដល់​អាហារ​ដល់​ពួកគាត់​ជាប្រចាំ​ ​និង​ព្យាបាល​អ្នក​ដែល​មាន​ជំងឺ​។​ ​ការងារ​នេះ​ ​ត្រូវ​ចំណាយពេល​ទាំង​ថ្ងៃ​ ​ទំា​ងយប់​ ​ប៉ុន្តែ​ក្រុមការងារ​សេវា​សហគមន៍​របស់​យើង​នៅតែ​អាច​ធានា​បាន​ថា​ ​គ្រួសារ​ទាំងអស់​ ​និង​បុគ្គល​គ្រប់រូប​សុទ្ធតែ​ទទួល​បានការ​យកចិត្ត​ទុកដាក់​។​

​ក្រោយមក​ទៀត​ ​យើង​ទទួល​បាន​ជំនួយ​ពី​បងប្អូន​ខ្មែរ​ក្នុង​ប្រទេស​កម្ពុជា​ ​ហើយ​ ​ប្រជាពលរដ្ឋ​ ​សាលារៀន​ ​ក្រុមហ៊ុន​ ​និង​ស្ថានទូត​នានា​ ​បាន​ចូលរួម​ចំណែក​បរិច្ចាគ​សំលៀកបំពាក់​ ​អាហារ​ ​ទឹក​ ​អង្ករ​ ​តង់​ ​និង​សម្ភារ​ប្រើប្រាស់​ចាំ​បាច់​ផ្សេង​ៗ​ទៀត​។​ ​ខ្លះទៀត​ជួយ​រៃអង្គាស​ថវិកា​ពី​មិត្តភក្តិ​ ​សិស្ស​ ​និង​មិត្ត​រួមការ​ងារ​ផង​ដែរ​ ​។​ ​

​បន្ទាប់មក​ទៀត​ ​យើង​ទទួល​បាន​ជំនួយ​ពី​លោកស្រី​ ​ពេជ្រ​ ​ច័ន្ទ​ ​មុ​ន្នី​ ​ដែល​ជា​ភរិយា​ដ៏​អស្ចារ្យ​របស់​លោក​ ​ហ៊ុន​ ​ម៉ា​ណែ​ត​។​ ​លោក​ ​ហ៊ុន​ ​ម៉ា​ណែ​ត​ ​និង​លោកស្រី​ ​ពេជ្រ​ ​ច័ន្ទ​ ​មុ​ន្នី​ ​ជា​ញឹកញយ​តែងតែ​ជា​បុគ្គល​ដំបូង​គេ​ដែល​បាន​ចូលរួម​ដោះស្រាយ​បញ្ហា​ផ្សេង​ៗ​ ​ឬ​ ​អំឡុង​ពេល​មាន​តម្រូវការ​ជំនួយ​ចាំបាច់​។​ ​

​លើក​នេះ​ ​លោក​ទាំងពីរ​ ​បាន​រៃអង្គាស​ជំនួយ​ពី​មិត្តភក្តិ​ ​និង​សហការី​ជាច្រើន​។​ ​យើង​បាន​ទទួល​បាន​កម្លាំងចិត្ត​ ​និង​ការចូលរួម​ ​ហើយ​បញ្ហា​ហាក់​ប្រសើរ​ជាង​មុន​បន្ដិច​។​ ​លុះក្រោយមក​ទៀត​ ​សម្ដេច​អគ្គមហាសេនា​បតី​តេជោ​ ​ហ៊ុន​ ​សែន​ ​នាយក​រដ្ឋមន្ត្រី​ ​នៃ​ព្រះរាជាណាចក្រ​កម្ពុជា​ ​បាន​ចូលរួម​បរិច្ចាគ​យ៉ាង​ធំធេង​ ​។​ ​សាមគ្គីភាព​នេះ​ ​គឺ​គ្រប់គ្រាន់​សម្រាប់​ថ្លៃ​សង់ផ្ទះ​ថ្មី​ជូន​ប្រជាពលរដ្ឋ​រងគ្រោះ​។​ ​

ដោយឡែក​ ​លោក​ ​ឃួង​ ​ស្រេង​ ​អភិបាល​រាជធានី​ភ្នំពេញ​ ​បាន​ជួយ​លើ​ការ​ត​បណ្ដាញទឹក​ជូន​ប្រជា​ពល​រដ្ឋ​ភ្លាម​ៗ​ ​។​ ​បន្ថែម​ពីនេះ​ ​លោក​ ​សន្យា​ថា​ ​នឹង​រៀបចំ​ការិយាល័យ​រណប​ ​នៅ​សាលា​ ​Neeson​ ​Cripps​ ​Academy​ ​ដើម្បី​ធ្វើ​អត្តសញ្ញាណ​ប័ណ្ណ​ ​និង​សៀវភៅ​គ្រួសារ​ថ្មី​ជូន​ប្រជាពលរដ្ឋ​ ​។​ ​​ជា​ការពិត​ ​លោក​ ​ទើប​ត្រឡប់មកវិញ​ ​មិនទាន់​បាន​ ​២៤​ ​ម៉ោង​ផង​ ​ហើយក៏​មិនទាន់​បាន​សុំ​ជំនួយ​ពី​ខាងណា​នៅឡើយ​ដែរ​ ​ប៉ុន្តែ​ ​លោក​ ​ទទួល​បាន​ជំនួយ​គ្រប់ទិសទី​ ​ក្រោម​ការដឹកនាំ​របស់​ថ្នាក់ដឹកនាំ​ប្រទេស​កម្ពុជា​ ​។​ឮ

តាមរយៈ​ជំនួយ​បរិច្ចាគ​ពី​ប្រភព​ផ្សេង​ៗ​ ​ជាពិសេស​ក្នុង​ជួរ​រាជរដ្ឋាភិបាល​ ​ទស្សនវិស័យ​ក្នុង​ការបង្កើត​សហគមន៍​មួយ​ថ្មីស្រឡាង​ ​ដែល​រួមមាន​ផ្ទះសំបែង​សមរម្យ​ ​ប្រព័ន្ធ​លូរ​ ​បន្ទប់ទឹក​ ​និង​សុវត្ថិភាព​ ​គឺ​អាច​សម្រេច​ទៅ​បាន​ ​។​ ​

​លោក​ ​សូម​ថ្លែងអំណរគុណ​ដល់​ប្រមុខ​រាជរដ្ឋាភិបាល​ ​អ្នក​ចូល​រួម​បរិ​ចា្ច​គ​ផ្ទាល់​ ​ឬ​ ​រៃអង្គាស​ថ​រិកា​ពី​មិត្តភក្តិ​ ​ក្រុមហ៊ុន​ ​ស្ថាប័ន​នានា​ ​ក៏ដូចជា​ប្រជាពលរដ្ឋ​រាប់​រយ​នាក់​ ​ដែល​ចូលរួម​ផ្ដល់​ជា​សំលៀកបំពាក់​ ​ទឹក​ ​អាហារ​ ​និង​តង់​ជាដើម​។​ ​សាមគ្គីភាព​ក្នុង​ការ​ជួយ​សហគមន៍​ក្រីក្រ​នេះ​ ​សរ​បញ្ជាក់​អោយ​ឃើញថា​ ​កម្ពុជា​ជា​ប្រទេស​មួយ​ដែល​អាច​មើលថែ​ខ្លួនឯង​បាន​ ​។​

 

  • អត្ថបទទាក់ទង :
  • Featured
Loading...

ពេញនិយម