Connect with us

កីឡដ្ឋាន​មួយ​នៅ​ព័រទុយហ្គាល់​ ​គ្រោង​ប្ដូរ​ឈ្មោះ​តាម​ ​Ronaldo​

​បរទេស​៖​ ​សេចក្ដីរាយការណ៍​បានឱ្យ​ដឹង​ថា​ ​ក្លិប​បាល់ទាត់​ ​Sporting​ ​CP​ ​កំពុង​ពិភាក្សា​ជាមួយ​ភ្នាក់ងារ​របស់​ខ្សែប្រយុទ្ធ​ ​Cristiano​ ​Ronaldo​ ​ឬ​រហស្សនាម​ ​CR7​ ​ដើម្បី​ប្រើប្រាស់​ឈ្មោះ​របស់​តារាបាល់ទាត់​ឆ្នើម​រូប​នេះ​ ​សម្រាប់​ដាក់​ឱ្យ​កីឡដ្ឋាន​របស់​ខ្លួន​។​ ​ប្រភព​បរទេស​រាយការណ៍​ថា​ ​កីឡដ្ឋាន​ ​Jose​ ​Alvalade​ ​របស់​ ​Sporting​ ​CP​ ​អាច​នឹង​ត្រូវ​ប្ដូរ​ឈ្មោះ​ជា​ ​”​Alvalade​ ​CR7​”​ ​វិញ​។​ ​ក្រុមប្រឹក្សា​ភិបាល​ក្លិប​ខាងលើ​ ​បាន​ឯកភាព​គ្នា​លើ​ការ​ប្ដូរ​ឈ្មោះ​នេះ​ហើយ​ ​នៅឡើយ​តែ​ការប្រកាស​សម្រេច​ចុងក្រោយ​ជា​សាធារណៈ​ប៉ុណ្ណោះ​។​

​គួរ​រំឭក​ថា​ ​Ronaldo​ ​បាន​ចាប់ផ្ដើម​អាជីព​ ​នៅ​ក្លិប​ ​Sporting​ ​CP​ ​នៅ​ព័រទុយហ្គាល់​ ​បន្ទាប់មក​ ​ក៏​ត្រូវ​បាន​គ្រូតា​របស់​ក្លិប​ ​Manchester​ ​United​ ​លោក​ ​Sir​ ​Alex​ ​Ferguson​ ​ចាប់អារម្មណ៍​ ​ហើយ​នាំទៅ​ចូលរួម​។​ ​កេរ្តិ៍ឈ្មោះ​របស់​ ​Ronaldo​ ​ក៏​ចាប់ផ្ដើម​ល្បី​រន្ទឺ​ពាសពេញ​ពិភពលោក​ ​ចាប់ពី​ពេលនោះ​រហូត​មក​។​ ​កាលពី​ឆ្នាំ២០០៩​ ​ក្លិប​យក្ស​ ​Real​ ​Madrid​ ​បាន​ទិញ​យក​ក្នុង​តម្លៃ​ប្រវត្តិសាស្ត្រ​ ​មុន​ផ្លាស់មក​ក្លិប​ ​Juventus​ ​កាលពី​ឆ្នាំ២០១៨​៕​


​ប្រភព​៖​ ​Fox​ ​Sport​ ​Asia​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

Loading...

ពេញនិយម