ក្រសួង​ផ្ដល់​សិទ្ធិ​គ្រប់គ្រង​បទ​ ​”​ថ្ងៃ​ដែល​អូន​ចុកឈាម​”​ ​ឬ​ ​”​ភូមិ​ភ្នំ​ធំ​”​ ​ជូន​ភរិយា​លោក​ ​គង្គ​ ​ប៊ុ​ន​ឈឿន​

​ក្រសួងវប្បធម៌​ ​និង​វិចិត្រ​សិល្បៈ​ ​កាលពី​ថ្ងៃទី៩​ ​ខែមេសា​ ​ឆ្នាំ២០១៩​ ​បានសម្រេច​ប្រគល់​សិទ្ធិ​គ្រប់គ្រង​មរតកសាសន៍​បទចម្រៀង​ ​១បទ​ដែល​មាន​ចំណងជើង​ថា​ ​”​ថ្ងៃ​ដែល​អូន​ចុកឈាម​”​ ​ឬ​ ​”​ភូមិ​ភ្នំ​ធំ​”​ ​ជូន​លោកស្រី​ ​គាត​ ​គឹ​មលន​ ​ភរិយា​លោក​ ​គង្គ​ ​ប៊ុ​ន​ឈឿន​។​ ​ការ​ប្រគល់​សិទ្ធិ​គ្រប់គ្រង​មរតកសាសន៍​បទចម្រៀង​ខាងលើ​នេះ​ ​គឺ​បន្ទាប់ពី​លោកស្រី​ ​គាត​ ​គឹ​មលន​ ​បាន​ដាក់​សំណើសុំ​សិទ្ធិ​គ្រប់គ្រង​មរតកសាសន៍​លើ​បទចម្រៀង​នេះ​ ​និង​ក្រោយពី​ក្រសួង​ ​ពិនិត្យ​ឃើញថា​ ​បទ​នេះ​ ​ជា​ស្នាដៃ​និពន្ធ​បទភ្លេង​ ​និង​ទំនុកច្រៀង​ដោយ​លោក​ ​គង្គ​ ​ប៊ុ​ន​ឈឿន​។​

​ក្រសួង​បាន​ប្រកាស​ថា​ ​រាល់​ភាគី​ពាក់ព័ន្ធ​ទាំងអស់​ ​ដែល​មានបំណង​ចង់​ប្ដឹង​ជំទាស់​នឹង​ការ​ស្នើសុំ​សិទ្ធិ​គ្រប់គ្រង​មរតកសាសន៍​បទចម្រៀង​ខាងលើ​ ​អាច​ដាក់ពាក្យ​បណ្ដឹង​មក​នាយកដ្ឋាន​សិទ្ធិ​អ្នកនិពន្ធ​ ​និង​សិទ្ធិ​ប្រហាក់​ប្រហែល​ ​នៃ​ក្រសួងវប្បធម៌​ ​និង​វិចិត្រ​សិល្បៈ​ ​ដែល​មាន​អាសយដ្ឋាន​លេខ២២៧​ ​មហាវិថី​ព្រះ​នរោត្តម​ ​សង្កាត់​ទន្លេបាសាក់​ ​ខណ្ឌចំការមន​ ​រាជធានី​ភ្នំពេញ​ ​ទូរស័ព្ទ​លេខ​ ​០២៣​ ​៧២៧​ ​៣៤៧​ ​និង​ ​០១២​ ​៩៣២​ ​៣៩៨​ ​ឬ​ ​សារ​អេ​ឡិច​ត្រូ​និច​ ​sim.satta2007​@​gmail.com​ ​ឬ​ ​តាមរយៈ​គេហទំព័រ​ ​www.mcfa.gov.kh​ ​និង​ ​Facebook​ ​Page​ ​នាយកដ្ឋាន​សិទ្ធិ​អ្នកនិពន្ធ​ ​និង​សិទ្ធិ​ប្រហាក់​ប្រហែល​ ​DCR​ ​។រយៈពេល​នៃ​ការ​ដាក់ពាក្យ​ប្ដឹង​ជំទាស់​ ​មាន​សុពលភាព​រយៈពេល​ ​១ខែ​ ​គិត​ចាប់ពី​ថ្ងៃ​ជូនដំណឹង​តទៅ​៕​

វីដេអូ៖
​

​អត្ថបទ​៖​ ​ចាន់​ ​សោភ័ណ្ឌ​លាភ​