ទោះ​ត្បូងឃ្មុំ​ ​ទទួលភ្ញៀវ​ទេសចរ​តិច​ជាងគេ​ ​តែ​មាន​កំណើន​ ​៤០០​%​ ​ធៀប​នឹង​ឆ្នាំមុន​

​យោង​តាម​ស្ថិតិ​ភ្ញៀវ​ទេសចរ​ ​នា​ឱកាស​ចូលឆ្នាំ​ប្រពៃណី​ជាតិខ្មែរ​ ​គិត​ចាប់ពី​ថ្ងៃទី១៤​ ​ដល់​ ​១៦​ ​ខែមេសា​ ​ឆ្នាំ២០១៩​ ​របស់ក្រ​សួង​ទេសចរណ៍​ ​បាន​បង្ហាញថា​ ​ខេត្ត​ត្បូងឃ្មុំ​ដែល​ជា​ខេត្ត​ ​ទើប​បង្កើត​ថ្មី​ទទួល​បាន​ភ្ញៀវ​ទេសចរ​តិច​ជាងគេ​ ​ចំណែក​ឯ​ខេត្ត​ចំនួន៣​ ​ទទួលភ្ញៀវ​ទេសចរ​ច្រើនជាង​គេ​ ​ពោល​គឺ​ ​ខេត្តបាត់ដំបង​ ​ស្វាយរៀង​ ​និង​ខេត្តសៀមរាប​។​ ​

​ស្ថិតិ​ខាងលើ​បានឱ្យ​ដឹង​ថា​ ​ភ្ញៀវ​ទេសចរ​ជាតិ​ ​និង​ ​អន្តរជាតិ​ ​ត្រឹមតែ​ ​៤ម៉ឺន៧ពាន់​នាក់​ ​បាន​ធ្វើដំណើរ​កម្សាន្ត​នៅក្នុង​ខេត្ត​ត្បូងឃ្មុំ​។​ ​ចំណែក​ឯ​ខេត្ត​ដែល​បាន​ទទួលភ្ញៀវ​ទេសចរ​ច្រើន​ជា​គេ​គឺ​ ​ខេត្តបាត់ដំបង​មាន​ភ្ញៀវ​ជាតិ​ ​និង​អន្តរជាតិ​រហូតដល់​ជាង​ ​៨៧ម៉ឺន​នាក់​ ​បាន​ធ្វើដំណើរ​កម្សាន្ត​ ​ដែល​ឈរ​នៅ​លំដាប់​ទី១​។​ ​ចំណែក​ ​ខេត្តស្វាយរៀង​ ​ទទួលភ្ញៀវ​ទេសចរ​ចំនួន​ជាង​ ​៤៦ម៉ឺន​នាក់​ ​ឈរ​នៅ​លំដាប់​ទី២​ ​ខណៈ​ខេត្តសៀមរាប​ ​ទទួលភ្ញៀវ​ចំនួន​ ​៣៨ម៉ឺន​នាក់​។​

ខេត្ត​ត្បូងឃ្មុំ​គឺជា​ខេត្ត​ថ្មី​មួយ​ដែល​ទើប​បង្កើត​ដោយ​បំបែកចេញ​ពី​ខេត្ត​កំពង់ចាម​នៅ​ចុងឆ្នាំ២០១៣​ ​ហើយ​មាន​ស្រុក​ចំនួន៦​ ​និង​ ​ក្រុង​ចំនួន១​។​ ​ខេត្ត​ត្បូងឃ្មុំ​មាន​ភ្ញៀវ​ទេសចរណ៍​មក​កម្សាន្ត​សរុប​តាម​រមណីយដ្ឋាន​មាន​ចំនួន​ ​2,3560​ ​នាក់​ ​បើ​ធៀប​ឆ្នាំមុន​មាន​ចំនួន ៥៧៥៧ កើន​ចំនួន ៣០០,២៤​%​នាក់​ ​ភ្ញៀវ​អន្តជាតិ​ចំនួន​ ​៨៤នាក់​ ​បើ​ធៀប​ឆ្នាំ​មាន​ចំនួន១៧​ ​កើន​ ៣៩៤,១២​%​ ​មាន​ដូច​ខាងក្រោម​÷​

1. ​រមណីយដ្ឋាន​ហ្លួង​ព្រះ​ស្តេច​កន​ចំនួន៩៥៤៣នាក់​ ​។
2. ​រមណីយដ្ឋាន​អន្លង់ជ្រៃ​មាន​ចំនួន2២០៧៥នាក់​ ​។​
3. រមណីយដ្ឋាន​ទឹកធ្លាក់​មាន​ចំនួន១១២១នាក់​។​
4. រមណីយដ្ឋាន​ ​ព្រះធាតុ​បា​ស្រី​ចំនួន១០១៦នាក់​ ​។​
5. ​រមណីដ្ឋាន​ខ្នងក្រពើ​មាន​ចំនួន៥៣៦នាក់​។​
6. តំបន់​រដ្ឋបាល​សាលាខេត្ត​ចំនួន៤៦៦៩នាក់​។​ ​
7. សហគមន៍​ទេសចរណ៍ OBT ​(​ហៅ​ផ្កាឈូករ័ត្ន​)​ ៤៦០០នាក់​។