ម្ចាស់បទ “បើអូនបាត់ការចងចាំ” ធ្វើឱ្យអ្នកអនាម័យម្នាក់ស្រក់ទឹកភ្នែក (មានវីដេអូ)

២ ឆ្នាំមុន

ខែមេសា ២២, ២០១៩ កម្សាន្ត

ភ្នំពេញ៖ ម្ចាស់បទចម្រៀង “បើអូនបាត់ការចងចាំ” បានធ្វើឱ្យអ្នកអនាម័យម្នាក់ស្រក់ទឹកភ្នែកដោយសារតែសម្តីសរសើរដល់អ្នកអនាម័យគ្រប់គ្នាដោយមិនមានចិត្តស្អប់ពួកគាត់។ កញ្ញា ឌី សូនីតា ម្ចាស់បទ “បើអូនបាត់ការចងចាំ” ដែលកំពុងតែទទួលបានការគាំទ្រយ៉ាងខ្លាំងតាមរយៈបទចម្រៀងមួយនេះ ថ្មីៗនេះ បានសរសេរសាររបស់គាត់ រៀបរាប់ជាច្រើនពីអ្នកអនាម័យគ្រប់ៗគ្នា ដោយនិយាយថា “អ្នកអនាម័យស្អាតគួរឱ្យស្រឡាញ់ចឹង អ្នកណាទៅហ៊ានស្អប់កើត? ខ្ញុំគ្មានពាក្យអីនិយាយទៅកាន់គាត់ក្រៅពីអរគុណដែលបានស្រឡាញ់ខ្ញុំ ឱ្យតម្លៃខ្ញុំចេញពីចិត្ត អរគុណមែនណាអូន ស្រីរ័ត្ន”។

គាត់បានផ្តាំថា ឱ្យ ប្អូនស្រី ថតវីដេអូ ហើយផ្ញើឱ្យគាត់ផង ព្រោះគាត់អត់ហ៊ានយកទូរស័ព្ទចូលទេ ណាមួយប្រញ៉ាប់ពេកឆក់បានតែដែកកេះមកជាប់ខ្លួនជាមួយ គាត់ខ្លាចរត់មកមិនទាន់ខ្ញុំឡើងយន្តហោះបាត់។ “ខ្ញុំចង់ប្រាប់អ្នកថា ខ្ញុំមិនដែលស្អប់ពួកអ្នកអនាម័យនោះទេ ព្រោះពួកអ្នកមានចំណែកធំណាស់ ក្នុងការធ្វើឱ្យខ្ញុំ ប្រជាជនទាំងអស់ និងប្រទេសជាតិស្អាត”។

ពិតជាគួរឱ្យសរសើរកញ្ញា ឌី សូនីតា ណាស់ដែលមិនមានចិត្តស្អប់ខ្ពើមពួកគាត់ ហើយក៏មានមតិជាច្រើនពីហ្វេនរបស់កញ្ញាផ្ទាល់ ម្នាក់ៗគាំទ្រទង្វើដ៏ល្អរបស់គាត់ ហើយបានជូនពរកញ្ញាសូនីតាឱ្យកាន់តែជោគជ័យគ្រប់ភារកិច្ច៕