Connect with us

ប្រដាប់​តេស្ដ​មេរោគ​អេដស៍​ដោយខ្លួនឯង​ ​មាន​លក់​ជា​ផ្លូវការ​នៅ​ថៃ​

ការអនុញ្ញាត​នេះ​ ​ខណៈ​តួលេខ​អ្នក​ផ្ទុកមេរោគ​អេដស៍​ ​ក្នុង​ប្រទេស​ថៃ​ ​ថយ​ចុះ​ ​ក្នុងរយៈពេល​ ​ជាង​ ​២ទសវត្សរ៍​ ​ប៉ុន្ដែ​ប្រទេស​នេះ​ ​នៅតែ​ជួប​បញ្ហា​ប្រឈម​ចំពោះ​ការ​បង្ការ​នៃ​ការ​រីក​រាលដាល​ជំងឺ​។​ ​នៅ​ឆ្នាំ២០១៥​ ​ការ​ឆ្លង​ជំងឺអេដស៍​ ​មាន​ប្រមាណ​ ​៦.៩០០​ ​ករណី​ ​ហើយ​តួលេខ​នេះ​ ​ធ្លាក់​មក​នៅ​ត្រឹម​ ​ប្រមាណ​ ​៥.៥០០​ ​ករណី​ ​នៅ​ឆ្នាំ​ ​២០១៧​។​

​ទោះ​យ៉ាងណា​ ​តួលេខ​នេះ​ ​មិន​ឆ្លើយតប​ស្ថានភាព​ជាក់ស្ដែង​ទេ​ ​ដោយមាន​មនុស្សជា​ច្រើន​មិនបាន​ធ្វើតេស្ដ​មេរោគ​អេដស៍​។​ ​មនុស្ស​មួយចំនួន​ ​ចៀសវាង​ការ​ធ្វើតេស្ដ​ ​ដោយសារ​ខ្លាច​ការរើសអើង​ពី​សហគមន៍​ ​ខណៈ​មួយចំនួន​ទៀត​ ​មិនបាន​ធ្វើតេស្ដ​ ​ដោយសារតែ​ខ្វះ​ការយល់​ដឹងពី​ជំងឺ​ ​និង​ធម្យោ​បាយ​ដែល​ជំងឺឆ្លង​។​ ដូច្នេះ​ ​ការអនុញ្ញាត​ឲ្យ​ដាក់​លក់​ប្រដាប់​តេស្ដ​មេរោគ​អេដស៍​ដោយខ្លួនឯង​ ​អាច​ជួយ​រដ្ឋាភិបាល​ ​កំណត់​អ្នកជំងឺ​អេដស៍​ ​ដែល​ស្ទាក់ស្ទើរ​ទៅ​ពិនិត្យ​នៅ​តាម​មន្ទីរពេទ្យ​។​ ​វា​ក៏​ជួយ​រារាំង​ការ​រីក​រាលដាល​មេរោគ​អេដស៍​ ​តាមរយៈ​ការ​ប្រាប់​អ្នកជំងឺ​ឲ្យដឹង​ ​និង​ទៅ​ទទួលការ​ព្យាបាល​ដោយ​ត្រឹមត្រូវ​។​

ការ​ធ្វើតេស្ត​ដោយខ្លួនឯង​នេះ​ ​ដូចគ្នា​ទៅ​នឹង​ការ​ធ្វើតេស្តឈាម​រក​មេរោគ​អេដស៍​នៅ​តាម​មន្ទីរពេទ្យ​ដែរ​។​ ​ក្នុងករណី​ដែល​យើង​មាន​ឆ្លង​មេរោគ​អេដស៍​ថ្មី​ៗ​ ​មិនមែន​យើង​ធ្វើតេស្ត​ម្តង​ដឹង​លទ្ធផល​ភ្លាម​នោះ​ទេ​ ​ដែល​ជាទូទៅ​រយៈពេល​ចំហ​ ​នៃ​ការ​ធ្វើតេស្ត​នេះ​មាន​ពី​ ​១ខែ​កន្លះ​ ​ទៅ​ ​៣ខែ​ ​ទើប​ដឹង​លទ្ធផល​ច្បាស់​។​
​ប៉ុន្ដែ​ ​ក៏​មាន​ក្តី​បារម្ភ​មួយចំនួន​ផង​ដែរ​ ​អំពី​ការអនុញ្ញាត​ឲ្យ​ដាក់​លក់​ ​និង​ប្រើ​ប្រដាប់​តេស្ដ​មេរោគ​អេដស៍​ដោយខ្លួនឯង​។​ ​ក្តី​បារម្ភ​នេះ​ ​គឺ​កង្វះ​ការយល់​ដឹង​អំពី​មេរោគ​ ​និង​ការប្រើ​ប្រាស់​ប្រដាប់​តេស្ដ​មេរោគ​។​ ​

ជាង​នេះ​ទៅទៀត​ ​ការ​ធ្វើតេស្ដ​មេរោគ​អេដស៍​ដោយខ្លួនឯង​ ​អាច​ប៉ះពាល់​ធ្ងន់ធ្ងរ​ ​ប្រសិន​អ្នកជំងឺ​ដឹង​ថា​ ​ពិតជា​ផ្ទុកមេរោគ​អេដស៍​ប្រាកដ​មែន​។​ ​លទ្ធផល​វិជ្ជមាន​ ​នៃ​ការ​តេស្ដ​មេរោគ​អេដស៍​ដោយខ្លួនឯង​នេះ​ ​អាច​ជំ​រុញ​ឳ្យ​អ្នកជំងឺ​ ​ប៉ុនប៉ង​សម្លាប់​ខ្លួន​។​ ​ដូច្នេះ​ ​អាជ្ញាធរ​ចាំបាច់​ត្រូវ​ផ្ដល់​ប្រឹក្សា​ទាំង​មុន​ ​និង​ក្រោយ​ ​ដល់​អ្នក​ជ្រើសរើស​តេស្ដ​មេរោគ​អេដស៍​ដោយខ្លួនឯង​ ​នៅ​ឯ​ផ្ទះ​៕​


Loading...

ពេញនិយម

WP2Social Auto Publish Powered By : XYZScripts.com