នាយ​ ​តាក់ស៊ី​ ​សម្រេចចិត្ត​ទៅ​បួស​ពិតប្រាកដ​មែន​ ​ទោះជា​គ្រួសារ​ ​និង​ក្រុមការងារ​ខំ​អង្វរ​យ៉ាងណាក៏ដោយ​

​ភ្នំពេញ​៖​ ​រឿង​មិន​គួរ​ឱ្យ​ជឿ​ថា​ ​នាយ​ ​តាក់ស៊ី​ ​ដែល​ជា​អ្នកកំប្លែង​ប្រចាំ​ ​CBS​ ​ម្តងនេះ​បានសម្រេច​ចិត្ត​បោះបង់​ភរិយា​និង​កូន​ ​ដោយ​ឧបនិស្ស័យ​របស់​លោក​ ​ដោយ​តម្រូវ​ឱ្យ​ ​នាយ​ ​តាក់ស៊ី​ ​សម្រេចចិត្ត​បួស​។​ ​នាយ​ ​តាក់ស៊ី​ ​បាន​រៀបរាប់​ប្រាប់​ ​ក្រុមការងារ​ ​MYTV​ ​PLUS​ ​ថា​ ​“​នេះ​ជា​ឧបនិស្ស័យ​របស់​លោក​ ​ហើយក៏​បាន​សុំ​ភរិយា​រួចហើយ​ដែរ​ ​ទោះជា​ភរិយា​មិនព្រម​ពី​ដំបូង​ក្តី​”​។​ ​

សម្រាប់​អ្នកនាង​ ​ភីម​ ​ត្រូវជា​ភរិយា​ ​នាយ​ ​តាក់ស៊ី​ ​ក៏បាន​បញ្ជាក់​បែបនេះ​ដែរ​ថា​ ​ដោយ​អះអាង​ថា​ ​ប្តី​របស់​គាត់​គ្មាន​ថ្ងៃ​បក​ក្រោយ​វិញ​ឡើយ​។​ ​សូម​បញ្ជាក់​ផង​ដែរ​ថា​ ​ការ​បួស​របស់​នាយ​តាក់ស៊ី​នេះ​មិនមែន​ជា​ការ​សម្តែង​ ​ឬ​ ​ភូតភរ​អ្វី​នោះ​ឡើយ​ ​នេះ​គឺជា​ការពិត​។​ ​សម្រាប់​ ​នាយ​ ​តាក់ស៊ី​ ​ដែល​បាន​បញ្ជាក់​ប្រាប់​ ​MYTV​ ​PLUS​ ​ថា​ ​លោក​និង​ក្រុម​គ្រួសារ​មិន​មាន​បញ្ហា​អ្វី​នោះ​ឡើយ​ ​នេះ​ជា​ការ​ម្រេច​ចិត្ត​ផ្ទាល់ខ្លួន​តែម្តង​។​

​នាយ​ ​តាក់ស៊ី​ ​ជា​ស្វាមី​របស់​អ្នកនាង​ ​ភីម​ ​នៅតែ​ប្រកាន់​ជំហរ​ថា​នឹង​ទៅ​បួស​ ​ទោះជា​មាន​រារាំង​ពី​ក្រុម​គ្រួសារ​ក៏ដោយ​ក៏​គាត់​នៅតែ​ជម្នះ​ទៅ​បួស​ ​ពីព្រោះ​នេះ​លោក​បញ្ជាក់​ថា​នេះ​គឺជា​ឧបនិស្ស័យ​របស់​គាត់​។​ ​អ្នកនាង​ ​ភីម​ ​និយាយ​ទាំង​អួល​ដើម​ករ​ក្រោយ​ប្តី​របស់​អ្នកនាង​សម្រេចចិត្ត​ទៅ​បួស​បែបនេះ​ ​សុខចិត្ត​ចោលប្រពន្ធ​កូន​ ​ទោះ​មាន​ក្រុមការងារ​ ​CTN​ ​MYTV​ ​និង​ ​ក្រុម​គ្រួសារ​ឃាត់​យ៉ាងណាក៏ដោយ​។​ ​ការ​ទៅ​បួស​របស់​ ​នាយ​ ​តាក់ស៊ី​ ​បាន​បកស្រាយ​បញ្ជាក់​បន្ថែម​ថា​ ​រូបលោក​មិន​ស្តាយ​អ្វី​ទាំងអស់​ ​ណាមួយ​គាត់​ក៏​មាន​ជំងឺ​ប្រចាំ​កាយ​ ​ដោយធ្វើ​ឱ្យ​រូបលោក​ពិបាក​ទ្រាំ​នឹង​ជំងឺ​ ​ហើយ​ណាមួយ​នេះ​ជា​ក្តី​ប្រាថ្នា​របស់​លោក​ផង​ដែរ​។​ ​នៅពេល​នេះ​នាយ​ ​តាក់ស៊ី​ ​បាន​បួស​នៅ​វត្ត​មួយ​ភ្នំ​គូលែន​ ​នៅ​ខេត្តសៀមរាប​ ​៕​

​អត្ថបទ​៖​ ​ឡុង​ ​រតនា​