តោះមកមើល នាយ ព្រែក តែងខ្លួនជាអាឡាដាំងខ្មែរ តើដូចអាឡាដាំងឥណ្ឌា ដែរទេ?

ភ្នំពេញ៖ នាយ ព្រែក ជាតារាកំប្លែង ដែលមានរាងសង្ហា មិនចាញ់តារាមួយចំនួនប៉ុន្មាននោះទេ ហើយនៅពេលថ្មីៗនេះ នាយ ព្រែក បានក្លាយខ្លួនជាតួ អាឡាដាំងខ្មែរ មើលទៅពិតជាស្រដៀងនឹងតួអាឡាដាំងឥណ្ឌា ដោយសារតែនាយ ព្រែក មានសម្បុរស្រអែម ស្រស់ស្អាត ទើបផលិតករកម្មវិធី តម្រូវឱ្យដើរតួជា អាឡាដាំង តែម្តង ។

នាយព្រែក បានសម្តែងជាតួអាឡាដាំងខ្មែរ សម្រាប់កម្មវិធី ពិភពសំណើច របស់ស្ថានីយទូរទស្សន៍ MyTV ដែលកម្មវិធីនេះ ក៏មានការចូលរួមសម្តែងពីសំណាក់តារាសម្តែង និងតារាកំប្លែងជាច្រើនរូប ។ កម្មវិធីនេះ បង្កើតឡើងដើម្បីផ្តល់នូវសំណើចឥតព្រំដែនជូនដល់ទស្សនិកជន ក្រោយសម្រាកពីការងារ ។ កម្មវិធី ពិភពសំណើច MYTV នឹងធ្វើការចាក់ផ្សាយតាមកញ្ចក់ទូរទស្សន៍ MyTV និង Page Facebook MYTV រៀងរាល់ថ្ងៃអាទិត្យ វេលាម៉ោង ៨យប់ សូមកុំភ្លេចចូលរួមទស្សនាកម្មវិធីទាំងអស់គ្នា ៕

អត្ថបទ៖ ឡុង រតនា