Connect with us

លោក​ ​យូ​ ​ថន​ដារ៉ា​ ​មាន​ម្ហូប​ខ្មែរ​ជាច្រើន​ធ្វើ​ឱ្យ​ទស្សនិកជន​ស្រក់​ទឹកមាត់​

​ភ្នំពេញ​៖​ ​ម្ចាស់​ពានរង្វាន់​ចុងភៅ​ឯក​នៅ​កម្ពុជា​ក្នុង​កម្មវិធី​របស់​ស្ថានីយ​ទូរទស្សន៍​ ​CTN​ ​“​Master​ ​Chef​ ​Khmer​”​ ​កំពុងតែ​បង្ហាញ​ស្នាដៃ​ជាច្រើន​នៅ​លើ​វិថី​ចុងភៅ​ដែល​ធ្វើ​ឱ្យ​ទស្សនិកជន​ចង់​ដឹង​ចង់​ឃើញ​កាន់តែ​ច្បាស់​។​ ​ពេលនេះ​ម្ចាស់​ពានរង្វាន់​ចុងភៅ​ឯក​ ​“​Master​ ​Chef​ ​Khmer​ ​CTN​”​ ​លោក​ ​យូ​ ​ថន​ដារ៉ា​ ​បាន​ត្រៀមខ្លួន​រួច​ក្នុង​ការ​បង្ហាញ​នៅមុខ​ម្ហូប​របស់​គាត់​ក៏ដូចជា​ផ្តល់​ចំណេះ​ដឹង​ខ្លះ​ៗ​ក្នុង​ការ​បង្រៀន​ទស្សនិកជន​ ​ឱ្យ​ចេះ​ពី​របៀប​ធ្វើ​យ៉ាងណា​នោះ​។​

​ទស្សនិកជន​ប្រហែល​មិន​ភ្លេច​រូប​គាត់​ទេ​ ​លោក​ ​យូ​ ​ថន​ដារ៉ា​ ​ក៏​កំពុង​ទទួល​បាន​ប្រជាប្រិយ​ភាព​យ៉ាង​ខ្លាំង​ពីសំណាក់​ទស្សនិកជន​ជាច្រើន​នាក់​ផង​ដែរ​។​ ​ស្រាប់តែ​ពេលនេះ​ ​លោក​ ​យូ​ ​ថន​ដារ៉ា​ ​ក៏បាន​បង្កើត​កម្មវិធី​មួយ​ដោយខ្លួនឯង​ ​គឺ​កម្មវិធី​ ​“​Star​ ​Chef​”​ ​ជា​កម្មវិធី​មួយ​សម្រាប់​មិត្ត​យុវវ័យ​ ​ឬ​ស្ត្រី​មេចង្ក្រាន​ ​អាច​ទទួល​បាន​ចំណេះ​ដឹង​ល្អ​ៗ​ពី​ ​លោក​ ​យូ​ ​ថន​ដារ៉ា​។​ ​

​ក្នុង​សប្តាហ៍​នេះ​ ​លោក​ ​យូ​ ​ថន​ដារ៉ា​ ​ក៏បាន​លើកយក​នូវ​មុខម្ហូប​មួយ​មុខ​មក​បង្ហាញ​ផង​ដែរ​គឺ​ ​“​បង្កង​ឈូឈី​”​ ​គ្រាន់តែ​លឺ​ឈ្មោះ​ ​និង​បានឃើញ​ភ្លាម​ចង់​ស្រក់​ទឹកមាត់​ទៅ​ហើយ​ ​ពីព្រោះ​មើលទៅ​រសជាតិ​ពិតជា​ឆ្ងាញ់​មែនទែន​។​ ​

​ក្រោយពេល​បង្ហាញ​នៅមុខ​ម្ហូប​ឈ្មោះ​ ​“​បង្កង​ឈូឈី​”​ ​និង​មក​ ​លោក​ ​យូ​ ​ថន​ដារ៉ា​ ​និង​ ​លោក​ ​សុភា​ ​“​Vj​ ​Sophea​”​ ​ជាពិធី​ករ​ផង​ដែរ​នោះ​បាន​សន្យា​ថាវ​គ្គ​ក្រោយ​ៗ​លោក​នឹង​យកមុខ​ម្ហូប​ប្លែក​ៗ​មក​បង្ហាញ​ចែក​ជូន​ទស្សនិកជន​បន្ថែម​គ្រាន់​ទុកជា​ចំណេះដឹង​ផង​ដែរ​។​ ​ទស្សនិកជន​ចង់​ដឹង​កាន់តែ​ច្បាស់​នៅមុខ​ម្ហូប​ប្លែក​ៗ​អាច​ចូល​ទៅ​កាន់​ផេ​ក​ហ្វេ​សប៊ុ​ក​របស់​លោក​ ​យូ​ ​ថន​ដារ៉ា​ ​បាន​ ​“​You​ ​Thandara​”​ ​ដោយ​ផ្ទាល់​៕​


​អត្ថបទ​៖​ ​ឡុង​ ​រតនា​

Loading...

ពេញនិយម