តារា​កំប្លែង​ ​នាយ​ ​សង់​ ​ស៊ី​ស​ ​សភាព​ជំងឺ​របស់​គាត់​កាន់តែ​ធ្ងន់ធ្ងរ​

​ភ្នំពេញ​៖​ ​ថ្មី​ៗ​នេះ​តារា​កំប្លែង​ជើងចាស់​ ​នាយ​ ​សង់​ ​ស៊ី​ស​ ​កំពុងតែ​ស្ថិត​ក្នុង​សភាព​កាន់តែ​ទ្រុឌទ្រោម​ខ្លាំង​ឡើង​ៗ​ ​ពី​មួយថ្ងៃ​ទៅ​មួយថ្ងៃ​ ​ដោយសារ​ជំងឺ​ប្រចាំ​កាយ​ ​និង​ភាព​ចាស់ជរា​។​ ​

​

​លោក​ ​សង់​ ​ស៊ី​ស​ ​សព្វថ្ងៃ​នេះ​ ​មាន​ជំងឺ​ប្រចាំ​កាយ​ជាច្រើន​ ​ទើប​ធ្វើ​ឱ្យ​លោក​ ​សម្រេចចិត្ត​បោះបង់​អាជីព​ជាតា​រា​កំប្លែង​ចោល​ ​ដោយ​យកពេល​ទាំងនោះ​មក​ព្យាបាល​ជំងឺ​របស់​គាត់​។​ ​ក្រោយពេល​តារា​កំប្លែង​ ​នាយ​ ​សង់​ ​ស៊ី​ស​ ​ធ្លាក់ខ្លួន​ឈឺ​មក​ក៏​មាន​ទស្សនិកជន​ជាច្រើន​ដែល​ស្រឡាញ់​រូប​គាត់​បាន​នាំគ្នា​ជូនពរ​ដល់​រូប​គាត់​ ​សូម​ឱ្យ​គាត់​ឆាប់​ជា​ពី​ជំងឺ​ ​ទោះជា​មិនបាន​វិល​ចូលលេង​កំប្លែង​វិញ​ក៏ដោយ​។​ ​

​​បើ​តាម​ការ​បង្ហោះ​រូប​លើ​គណនី​ហ្វេ​សប៊ុ​ក​របស់​ ​នាយ​ ​សង់​ ​សេត​ ​ដែល​ជា​កូនប្រុស​របស់​លោក​ ​បាន​បញ្ជាក់​ប្រាប់​ទស្សនិកជន​ថា​ ​នាយ​ ​សង់​ ​ស៊ី​ស​ដែល​ជា​ឪពុក​ ​នៅពេល​នេះ​កំពុងតែ​ដុនដាប​មែនទែន​ហើយ​ ​សូម្បីតែ​បាយ​ក៏​បាយ​មិនសូវ​បាន​ ​ហើយ​គាត់​និយាយ​វិញ​ក៏​និយាយ​ ​មិនសូវ​ចេញ​ដែរ​។​ ​នេះ​ជា​អារម្មណ៍​ពិត​មួយ​របស់​ទស្សនិកជន​ ​នៅពេល​ឃើញ​បែបនេះ​គឺ​មាន​អារម្មណ៍​ថា​ ​អាណិត​រូប​គាត់​ ​និង​សូម​ឱ្យ​មិត្ត​សិល្បៈ​ ​ឬ​សប្បុរសជន​នានា​បន្ត​ជួយ​ ​ដល់​តារា​កំប្លែង​ជើងចាស់​រូប​នេះ​ផង​៕​ ​

​អត្ថបទ​៖​ ​ឡុង​ ​រតនា​