ផ្ទុះ​សង្គ្រាម​ពាក្យសម្ដី​ ​រឿង​ ​Bieber​ ​ថា​ ​Eminem​ ​មិន​ស្គាល់​បទ​រ៉េ​ប​សម័យ​ទំនើប​

​អាមេរិក​៖​ ​សង្គ្រាម​ពាក្យសម្ដី​តារា​ចម្រៀង​រ៉េ​ប​ ​នៅ​សហរដ្ឋអាមេរិក​ ​បាន​ផ្ទុះឡើង​ ​បន្ទាប់ពី​តារាចម្រៀង​ ​Justin​ ​Bieber​ ​បាន​សរសេរ​បង្ហោះ​នៅ​លើ​បណ្ដាញ​ទំនាក់ទំនង​សង្គម​ ​Instagram​ ​ថា​ ​តារា​ចម្រៀង​រ៉េ​ប​ ​Eminem​ ​មិន​ស្គាល់​បទ​រ៉េ​ប​បែប​សម័យ​ទំនើប​ ​កាលពី​ថ្ងៃទី១​ ​ខែឧសភា​ ​ឆ្នាំ២០១៩​។​

​ការ​បង្ហោះ​របស់​ ​Bieber​ ​គឺ​ក្រោយពី​ ​Eminem​ ​ដែល​មាន​វ័យ​ ​៤៦ឆ្នាំ​ ​រិះគន់​អ្នក​ចម្រៀង​រ៉េ​ប​ ​សម័យ​បច្ចុប្បន្ន​ថា​ ​ពួក​គេ​រ៉េ​ប​ខ្សិបៗ​ ​ផ្ទុយ​ពី​រ៉េ​ប​ជំនាន់​របស់​គាត់​។​ ​Eminem​ ​បាន​សំដៅលើ​តារា​ចម្រៀង​រ៉េ​ប​ចំនួន​ ​ដូចជា​ ​Drake​,​ ​Lil​ ​Pump​,​ ​Lil​ ​Yachty​ ​ជាដើម​។​ ​យ៉ាងណាក៏ដោយ​ ​Eminem​ ​មិនទាន់​បាន​ឆ្លើយតបទៅនឹង​ការ​លើកឡើង​របស់​ ​Bieber​ ​នោះ​ទេ​។​

​គួរ​បញ្ជាក់​ផង​ដែរ​ថា​ ​Bieber​ ​ដែល​មាន​វ័យ​ ​២៥ឆ្នាំ​ ​ចាប់ផ្ដើម​ល្បី​ ​និង​ទទួលការ​ការ​គាំទ្រ​ពីសំណាក់​អ្នកគាំទ្រ​ ​ជាពិសេស​យុវវ័យ​ ​នៅពេល​ចេញ​បទ​ ​Baby​ ​កាលពី​ឆ្នាំ២០១០​។​ ​Bieber​ ​បាន​ចេញ​អាល់ប៊ុម​ចុងក្រោយ​ ​របស់​ខ្លួន​ ​កាលពី​ឆ្នាំ២០១៥​ ​ហើយ​គ្រោង​ចេញ​អាល់ប៊ុម​ថ្មី​ ​នៅក្នុង​ឆ្នាំ២០១៩នេះ​ ​ដែល​ទំនងជា​ច្រៀង​រួមគ្នា​ជាមួយ​ ​Ed​ ​Sheeran​ ​៕​

​ប្រភព​៖​ ​Channel​ ​News​ ​Asia​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​