ចែកទុរេន៣ពាន់តោននៅ...

២ ឆ្នាំមុន

ខែឧសភា ២, ២០១៩ កម្សាន្ត

ប្រទេសថៃ៖ ថ្មីៗនេះនៅវត្តថាម៉ៃ ស្ថិតក្នុងស្រុក ក្រាធុនបាន ខេត្តជាប់សមុទ្រ សមុត្តសាខននៃ ប្រទេសថៃ មានមនុស្សយ៉ាងច្រើនកុះករបានសំដៅទៅវត្តមួយនេះទាំងព្រឹកថ្ងៃពុធដោយមិនមែនទៅបន់ស្រន់អ្វីទេ ហើយផ្ទុយទៅវិញដើម្បីទៅទទួលយកទុរេនដោយឥតគិតថ្លៃ។

ទុរេនប្រហែល៣តោនដែលបានចែកជូនមិនគិតថ្លៃពីចម្ការមួយដែលស្ថិតនៅភាគខាងកើតខេត្តចន្ថាបុរី ដើម្បីរំលឹកដល់ព្រះដួងវិញ្ញាណក្ខន្ធអតីតព្រះមហាក្សត្រ ភូមិបុល អាប់ឌុលយ៉ាដេត និងដើម្បីថ្វាយព្រះពរដល់មហាក្សត្រថៃ មហាវិជ្ជរ៉ាឡុងកន ក្នុងឱកាសឡើងគ្រងរាជសម្បត្តិនៅចុងសប្តាហ៍នេះ ក្នុងឱកាសឡើងគ្រងរាជ្យសម្បត្តិនៅចុងសប្តាហ៍នេះ។

ទុរេនត្រូវបានដាក់នៅលើចានសម្រាប់អ្នកដែលចង់ភ្លក់រសជាតិស្តេចផ្លែឈើមួយនេះ ក្រៅពីផ្លែទុរេន ក៏មានផ្តល់ជូននូវស៊ុតចំនួន១ម៉ឺនគ្រាប់ ថែមទាំងបង្អែមគ្រប់មុខជាច្រើនទៀត។ យោងទៅតាមការរាយការណ៍នៅតំបន់នោះបានបញ្ជាក់ថា មនុស្សជាច្រើនរួមទាំងពលករផងបាននាំគ្នាទៅទីនោះក្រោយពេល ឮ ពីមាត់មួយទៅមាត់មួយតៗគ្នាមកអំពីដំណឹងចែកជូនទុរេនដោយឱ្យឥតគិតថ្លៃនេះ៕

កែសម្រួល៖ គង់ ចាន់ស្រីនុច