ឃើញ​ឥណ្ឌា​ដាំ​ដើមឈើ​បាន៦៦លាន​ដើម​ក្នុងរយៈ១២ម៉ោង​ ​លោក​ ​តាន់​ ​គី​ម​សួរ​ ​បាន​អំពាវនាវ​សិល្បករ​ដាំ​ដើមឈើ​ចំនួន​.​.​.​

​ភ្នំពេញ​៖​ ​កាលពី​ឆ្នាំ២០១៧​ ​ប្រជា​ជន​ឥណ្ឌា​ស័​គ្រ្​ម​ចិត្ត​ចំនួន១.៥លាន​នាក់​បាន​នាំគ្នា​ចូលរួម​ដាំ​ដើមឈើ​ចំនួន៦៦លាន​ដើម​ក្នុងរយៈពេល​ត្រឹមតែ១២ម៉ោង​ប៉ុណ្ណោះ​ ​ដែល​ចាប់ផ្តើម​ពី​ម៉ោង៧ព្រឹក​ដល់៧យប់​ដើម្បី​ជូនដំណឹង​ដល់​ប្រជាជន​ឥណ្ឌា​ឱ្យ​ចូលរួម​ក្នុង​គោលបំណង​ការ​ពារ​បំរែបំ​រួល​អាកាសធាតុ​។​ ​​ស្រាប់តែ​នៅ​ពេល​ថ្មី​ៗ​នេះ​ប្រទេស​កម្ពុជា​ក៏​មាន​អាកាសធាតុ​ក្តៅ​ខ្លាំង​ផង​ដែរ​ ​ដូចនេះ​លោក​ ​តាន់​ ​គី​ម​សួរ​ ​ក៏បាន​អំពាវនាវ​ឱ្យ​ប្រជាជន​ខ្មែរ​ចូលរួម​ដាំ​ដើមឈើ​ទាំងអស់គ្នា​នៅ​ថ្ងៃ​ ​Earth​ ​Day​ ​ខាងមុខនេះ​ ​ដោយ​លោក​សុំ​ត្រឹមតែ​ ​១០ម៉ឺន​ដើម​ប៉ុណ្ណោះ​។​ ​ប្រសិនបើ​មាន​អ្នកគាំទ្រ​ ​និង​ចូលរួម​ ​លោក​នឹង​ចាត់ចែង​ធ្វើ​កម្មវិធី​នេះ​ឡើង​ដោយ​ផ្ទាល់​ ​ព្រោះ​លោក​សង្ឃឹមថា​ ​ដើមឈើ​នឹង​ជួយ​ជា​ប្រយោជន៍​ដល់​ប្រជាជន​ខ្មែរ​បាន​នៅ​ថ្ងៃ​អនាគត​។​ ​

​ក្រោយពី​អំពាវនាវ​នៅក្នុង​គ​ណ​នេយ្យ​ហេ្វ​សបុ​ក​របស់​ខ្លួន​មក​ ​ក៏​មាន​សិល្បៈ​ករ​ ​អ្នកនាង​ ​ខាត់​ ​សុ​ឃីម​ ​និង​លោ​ក​យ៉ែម​ ​សំ​អូន​ ​បាន​ចូលរួម​ផង​ដែរ​ ​មិន​ត្រឹមតែ​ប៉ុណ្ណោះ​លោក​បាន​សរសេរ​នៅ​លើ​គណនេយ្យ​របស់​ខ្លួន​បន្ថែម​ទៀត​ថា​ ​“​ជិត​គ្រប់ហើយ​ ​ឥលូវ​នេះ​ពួក​យើង​រកបាន​អ្នក​រៀបចំ​ដាំ​និង​ថែរក្សា​កូនឈើ​នៅ​៖​ ​សៀមរាប​ ​១ម៉ឺន​ដើម​,​ ​បាត់ដំបង​ ​១ម៉ឺន​ដើម​,​ ​ឧត្តរមានជ័យ​ ​១ម៉ឺន​ដើម​,​ ​កំពង់ស្ពឺ​ ​១ម៉ឺន​ដើម​,​ ​កំពង់ចាម​ ​១ម៉ឺន​ដើម​,​ ​ព្រះវិហារ​ ​១ម៉ឺន​ដើម​,​ ​ប៉ោយប៉ែត​ ​១ម៉ឺន​ដើម​,​ ​ស្ទឹងត្រែង​ ​១ម៉ឺន​ដើម​។​ ​សរុប​បាន​ ​៨ម៉ឺន​ដើម​ហើយ​។​ ​ចុះ​បងប្អូន​នៅ​ខេត្ត​ក្រុង​ផ្សេងទៀត​នឹងអាច​ចូលរួម​បានទេ​ដើម្បី​ព្យាបាល​ដំបៅ​ផែនដី​នេះ​?​”​ ​បន្ទាប់ពី​លោក​តាន់​ ​គី​ម​សួរ​បាន​បង្ហោះ​សារ​ទាំងនេះ​ឡើង​ ​លោក​បាន​ទទួលការ​គាំទ្រ​យ៉ាងច្រើន​ក្រាស់ក្រែល​ពី​មហាជន​ទូទៅ​តាមរយៈ​ការ​បញ្ចេញមតិ​យោបល់​ ​និង​ ​ចែក​រំ​លែ​ក​តៗ​គ្នា​៕​ ​

អត្ថបទ​៖​ ​គង់​ ​ចាន់​ស្រី​នុច​