Connect with us

ក្រុមហ៊ុន​ធំ២របស់​កម្ពុជា​ ​និង​សិង្ហបុរី​ ​ចាប់ដៃ​គ្នា​វិនិយោគ​លើ​គម្រោង​អចលនទ្រព្យ​ដ៏​ធំ​មួយ​ ​កណ្តាល​រាជធានី​ភ្នំពេញ​ ​

​ភ្នំពេញ​ ​៖​ ​គម្រោង​អភិវឌ្ឍន៍​អចលនទ្រព្យ​ ​រ៉ូ​យ៉ា​ល់​ ​ផ្លា​ទី​នីម​ ​(​Royal​ ​Platinum​)​ ​ដែល​ជា​ការ​វិនិយោគ​រួមគ្នា​ដោយក្រុម​ហ៊ុន​ ​Royal​ ​Group​ ​និង​ក្រុមហ៊ុន​ ​Hong​ ​Lai​ ​Huat​ ​Group​ ​បាន​ចាប់ផ្តើម​សម្ពោធ​បើក​ការដ្ឋាន​ដំណើរការ​សាងសង់​ជា​ផ្លូវការ​ ​នៅ​ព្រឹក​ថ្ងៃទី​ ​៧​ ​ខែឧសភា​ ​ឆ្នាំ២០១៩នេះ​ ​។​

​ពិធីសម្ពោធ​បើក​ការដ្ឋាន​គម្រោង​អភិវឌ្ឍន៍​អចលនទ្រព្យ​ ​រ៉ូ​យ៉ា​ល់​ ​ផ្លា​ទី​នីម​ ​បាន​ប្រព្រឹត្តទៅ​ក្រោម​វត្តមាន​អ្ន​ក​ញ៉ា​ ​គិត​ ​ម៉េ​ង​ ​ប្រធាន​សភា​ពាណិជ្ជកម្ម​កម្ពុជា​ ​និង​ជា​អគ្គនាយក​ក្រុមហ៊ុន​ ​Royal​ ​Group​ ​និង​លោកជំទាវ​,​ ​លោក​ ​Dato​ ​Johnny​ ​Ong​ ​នាយក​ប្រតិបត្តិ​របស់​ក្រុមហ៊ុន​ ​Hong​ ​Lai​ ​Huat​ ​Group​ ​និង​ឯកអគ្គ​រដ្ឋទូត​សិង្ហបុរី​ ​ប្រចាំ​នៅ​កម្ពុជា​ ​។​

​តាមរយៈ​គម្រោង​នេះ​ ​ផ្ទះ​អា​ផា​ត​មិន​ ​ដែល​មាន​ចំនួន​សរុប​ ​៨៥១​ ​យូនី​ត​ ​និង​ផ្ទះ​ដែល​អាច​ធ្វើ​ពាណិជ្ជកម្ម​បាន​ ​ចំនួន​ ​៥០ខ្នង​ ​នឹង​ត្រូវ​សា​សង់​លើ​ផ្ទៃដី​អភិវឌ្ឍ​ន៏​ ​១០ហិ​ក​តា​ ​ក្នុងទឹក​ដី​ខណ្ឌទួលគោក​ ​រាជធានី​ភ្នំពេញ​ ​។​

​លោក​ ​Ryan​ ​Ong​ ​នាយក​ប្រតិបត្តិ​ក្រុមហ៊ុន​ ​Hong​ ​Lai​ ​Huat​ ​Group​ ​បាន​បង្ហាញ​ពី​មោទនភាព​ចំពោះ​ការ​ចាប់ផ្តើម​គម្រោង​អភិវឌ្ឍ​ន៏​ដ៏​សំខាន់​មួយ​នេះ​ ​នៅ​ចំ​កណ្តាល​រាជធានី​ភ្នំពេញ​នៃ​ប្រទេស​កម្ពុជា​ ​។​

​លោក​ ​Ryan​ ​Ong​ ​ចាត់ទុក​គម្រោង​អភិវឌ្ឍន៍​នេះ​ ​ជា​ការបង្កើត​ឱកាស​ដល់​ប្រជាពលរដ្ឋ​ ​និង​ការ​ធ្វើ​ពាណិជ្ជកម្ម​ ​ក៏ដូចជា​ឱកាស​ការងារ​ ​និង​ការ​ទាក់ទាញ​អ្នក​វិនិយោគ​ ​អោយ​បាន​កាន់តែ​ច្រើន​ថែមទៀត​ ​សម្រាប់​ប្រទេស​កម្ពុជា​ ​និង​សិង្ហបុរី​។​

​គម្រោង​អភិវឌ្ឍន៍​អចលនទ្រព្យ​ ​Royal​ ​Platinum​ ​ក្រៅពី​មាន​អគារ​ល្អ​ប្រណិត​ ​ក៏​មាន​ហាងទំនិញ​ ​កន្លែង​ផ្តល់​សេវា​ផ្នែក​ពាណិជ្ជកម្ម​ ​ភោជនីយដ្ឋាន​ ​និង​ហាង​សំលៀកបំពាក់​ជាដើម​ ​។​ ​

​គម្រោង​អភិវឌ្ឍន៍​អគារ​លំនៅ​ដ្ឋាន​ ​នឹង​ចាប់ផ្តើម​ដាក់​លក់​នៅ​ខែមិថុនា​ ​ឆ្នាំ២០១៩ខាងមុខនេះ​ ​ជាមួយ​ការ​រំពឹង​ទុក​ថា​ ​នឹង​ត្រូវ​បញ្ចប់​ការសាងសង់​រយៈពេល​ ​២ឆ្នំា​ ​។​

​គួរ​បញ្ជាក់​ថា​ ​ក្រុមហ៊ុន​ ​Royal​ ​Group​ ​គឺជា​ក្រុមហ៊ុន​វិនិយោគទុន​ ​និង​អភិវឌ្ឍ​ន៏​លំដាប់​កំពូល​របស់​ប្រទេស​កម្ពុជា​ ​ដែល​រួមបញ្ចូល​គ្នា​ប្រមាណ​ ​៣០ក្រុមហ៊ុន​ ​។​ ​ដោយឡែក​ ​ក្រុមហ៊ុន​ ​Hong​ ​Lai​ ​Huat​ ​Group​ ​ជា​ក្រុមហ៊ុន​អចលនទ្រព្យ​ដ៏​ល្បីល្បាញ​ ​មាន​ភាព​ជោគជ័យ​ជាង​ ​៣១ឆ្នាំ​មក​ហើយ​ ​លើ​ផ្នែក​លំនៅ​ដ្ឋាន​ ​ពាណិជ្ជកម្ម​ ​និង​គម្រោង​ឧស្សាហកម្ម​ជាច្រើន​នៅ​ប្រទេស​សិង្ហបុរី​៕​

អត្ថបទ៖ គន្ធ តារាវិឆ័យ

  • អត្ថបទទាក់ទង :
  • Featured
Loading...

ពេញនិយម