មិននឹកស្មានថានំបញ្ចុកសម្លខ្មែរទទួលបានការគាំទ្រខ្លាំងយ៉ាងនេះនៅប្រទេសវៀតណាម

២ ឆ្នាំមុន

ខែឧសភា ៨, ២០១៩ កម្សាន្ត

ទីក្រុងហូជីមីញ៖ នំបញ្ចុកសម្លបង់ប្រហុករបស់គឺជាអត្តសញ្ញាណមុខម្ហូបមួយរបស់ខ្មែរផងដែរ ហើយវាជាមុខម្ហូបមួយដែលមើលទៅហាក់សមញ្ញធម្មតា ប៉ុន្តែមានគ្រឿងផ្សំច្រើនលើសពីការគិតរបស់យើង។

លោក Ngo Van Hoa ជនជាតិវៀតណាម អាយុ៦៣ឆ្នាំ បានស្នងមុខរបរបើកហាងលក់នំបញ្ចុកខ្មែរនេះពីឪពុករបស់លោកអស់រយៈពេល២ឆ្នាំមកហើយ លោកបានត្រឡប់មកវៀតណាមវិញនៅឆ្នាំ១៩៧២។ គ្រួសាររបស់លោកទទួលបានជីវភាពប្រសើរជាងមុនពីមុខរបរមួយនេះ លោកគឺជាជំនាន់ទី៣ដែលស្នងមុខរបរនេះ។ ភោជនីយដ្ឋានមានឈ្មោះថា Tu Xe ដែលមានទីតាំងនៅទីក្រុងហូជីមីញ ដែលម្ចាស់ហាងបានរៀបរាប់ពីគ្រឿងផ្សំមកពីកម្ពុជា ពិសេសគឺគ្រឿងទេស ហើយចំនុចសំខាន់ដែលបញ្ជាក់ពីអត្តសញ្ញាណនៃរសជាតិនេះគឺ ”ប្រហុក”។

ដូចនេះសម្រាប់អ្នកដែលមិនចេះទទួលទានប្រហុក អាចនឹងមានផលវិបាកក្នុងការញ៉ាំពេលដំបូង ព្រោះប្រហុកគឺមានក្លិនខ្លាំង ចំពោះការធ្វើវិញមើលទៅហាក់ដូចធម្មតា ប៉ុន្តែវាមិនមានភាពងាយស្រួលឡើយ។ លោក Hoa និងក្រុមគ្រួសារត្រូវក្រោកម៉ោង៤ទៀបភ្លឺរាល់ព្រឹកដើម្បីរៀបចំហាងសម្រាប់បើកលក់ម៉ោង៦ព្រឹក ហើយលោកនៅរក្សាគ្រឿងផ្សំដោយមិនហ៊ានផ្លាស់ប្តូរបន្តិចណាឡើយ ព្រោះប្រសិនបើខុសរសជាតិដើមលោកអាចនឹងបាត់បង់អតិថិជនបាន៕