ឆាយ វិរៈយុទ្ធ ទទួលបានកាដូជាទីគាប់ចិត្តពីភរិយា

៣ ឆ្នាំមុន

ខែឧសភា ១០, ២០១៩ កម្សាន្ត

ភ្នំពេញ៖ ទស្សនិកជនប្រាកដជាស្គាល់លោកច្បាស់ហើយម្ចាស់បទ “ទឹកលុយសម្លាប់ទឹកចិត្តខ្ញុំ” ក្នុងពេលថ្មីៗនេះ លោកទើបតែទទួលបានកាដូពីភរិយាជាទីគាប់ចិត្ត ហើយជាលើកទីមួយហើយដែលសប្បាយចិត្តជាងអ្វីៗទៅទៀត។

លោក ឆាយ វិរៈយុទ្ធ បានសម្រេចចិត្តបញ្ចប់ភាពនៅលីវរបស់លោកហើយក៏បានចាប់ដៃគ្នារៀបការជាមួយភរិយាដ៏ស្រស់ស្អាត ក្រោមដំបូលសុភមង្គល អស់រយៈពេលជាច្រើនខែមកហើយ តែលោកមិនទាន់បានបុត្រជាចំណងមេត្រីដូចគេនៅឡើយ។ ព័ត៌មានដែលធ្វើឱ្យលោក ឆាយ វិរៈយុទ្ធ សប្បាយចិត្តលើសពីអ្វីៗទាំងអស់នោះ គឺជាកាដូដ៏ធំមួយដែលភរិយារបស់លោកបានផ្តល់ឱ្យ។

លោក ឆាយ វិរៈយុទ្ធ បាននិយាយ MYTV PLUS ថានេះជីវិតថ្មីរបស់ខ្ញុំ ដែលភរិយាបានផ្តល់ឱ្យ ហើយគាត់ជាកូនដំបូងសម្រាប់ជីវិតខ្ញុំ គាត់បានកើតនៅក្នុងផ្ទៃរបស់ភរិយាខ្ញុំបាន 20សប្តាហ៍ 6ថ្ងៃហើយ។ លោក ឆាយ វិរៈយុទ្ធ គាត់ក៏បានសូមអរគុណដល់ទស្សនិកជនដែលតែងតែបារម្មណ៍ពីគ្រួសាររបស់គាត់ ជាពិសេសក៏អរគុណដល់ទស្សនិកជន ដែលបានបន្តនៅការគាំទ្រដល់រូបគាត់ ហើយគាត់នឹងសន្យាថា លោកត្រៀមខ្លួនជាស្រេចសម្រាប់ចេញនៅអាប៊ុមថ្មីៗដើម្បីបំរើចំណីអារម្មណ៍ទស្សនិកជនបន្ថែមទៀត៕