Connect with us

វី​ដូ​អូ​ខ្លី​ ​Dr.Job​ ​ធ្វើការ​ណែនាំ​អំពី​ ​“​ការរៀបចំ​ផែនការ​អាជីព​”​ ​ទៅ​ថ្ងៃ​អនាគត​ដល់​សិស្ស​កំពុង​ជ្រើសរើស​មុខជំនាញ​សិក្សា​

​ភ្នំពេញ​៖​វីដេអូ​ខ្លី​មួយ​ដែល​ដាក់ឈ្មោះ​ថា​ ​Dr​.​ ​Job​ ​ដែល​មាន​ពិធីករ​ ​លោក​ ​យ៉ា​រ៉ូ​ ​និង​ ​កញ្ញា​ ​ស្កា​ឡេ​ត​ ​បាន​ធ្វើការ​អធិប្បាយ​អំពី​ការ​ចាប់​យក​ជំនាញ​ដើម្បី​បន្ត​ការសិក្សា​ថ្នាក់​មហាវិទ្យាល័យ​ ​និង​ ​អនាគត​អាជីព​របស់​សិស្សា​នុសិ្ស​នៅពេល​ដែល​បញ្ចប់​ការសិក្សា​ត្រូវ​បាន​ផលិត​ ​គម្រោង​រួមគ្នា​រវាង​ ​UNDP​ ​និង​ទីភ្នាក់ងារ​ជាតិ​មុខរបរ​ ​និង​ការងារ​។​ ​

​វីដេអូ​ខ្លី​នេះ​មាន​គោលដៅ​ផ្តល់​ព័ត៌​មគ្គុ​ទេស​អាជីព​ ​ការ​ប្រឹក្សា​យោបល់​ ​ជួយ​ឱ្យ​យុវជន​អាច​ទទួល​បានការ​ងារ​សមរម្យ​ ​និង​ការ​អភិវឌ្ឍ​ជំនាញ​ទន់​នានា​។​ ​
​វីដេអូ​នេះ​បាន​ចោទ​ជា​សំនួរ​ថា​ ​“​មនុស្ស​ម្នា​ក់ៗ​ធ្លាប់​គិត​ ​ឬ​ ​ទេ​ថា​ ​ការងារ​មិន​ពិបាក​រក​ទេ​ ​ប៉ុន្តែ​អ្វី​ដែល​ពិបាក​រក​នោះ​គឺ​ការងារ​ដែល​ខ្លួន​ស្រលាញ់​?​”​ ​ហើយ​បាន​បកស្រាយ​ថា​ ​ព្រោះ​ប្រសិនបើ​អ្នកធ្វើការ​ងារ​ដែល​អ្នក​មិន​ចូលចិត្ត​ ​អ្នក​ប្រាកដជា​មាន​អារម្មណ៍​ថា​ឆាប់​ធុញ​ ​និង​មិន​យកចិត្ត​ទុកដាក់​ធ្វើ​ឡើយ​ ​ប៉ុន្តែ​ប្រសិនបើ​អ្នកធ្វើ​អ្វីមួយ​ដែល​អ្នក​ស្រលាញ់​ ​អ្នក​ប្រាកដជា​យកចិត្ត​ទុកដាក់​ ​និង​មិន​ធុញទ្រាន់​។​ ​

ដូចនេះ​មុននឹង​សម្រេចចិត្ត​ថា​ថ្ងៃ​អនាគត​អ្នក​នឹង​ចាប់​មុខរបរ​ ​ឬ​ ​ការងារ​អ្វី​ ​អ្នក​ត្រូវ​កំណត់​គោលដៅ​ឱ្យ​បាន​ច្បាស់​ ​និង​ចាប់ផ្តើម​ពី​ការ​រើស​ជំនាញ​ត្រឹមត្រូវ​ជាមុន​សិន​ ​ជៀសវាង​ ​ប៉ះពាល់​ដល់​អនាគត​ ​និង​ខាតពេល​វេលា​ច្រើន​ ​ក្នុង​ការសាកល្បង​ការងារ​ពី​មួយ​ទៅ​មួយ​៕​

សូមទស្សនាវីដេអូ៖

​អត្ថបទ​៖​ ​គង់​ ​ចាន់​ស្រី​នុច​

  • អត្ថបទទាក់ទង :
  • Featured
Loading...

ពេញនិយម