ពេទ្យព្រមានតារាល្បីៗនៅអាមេរិក រឿងញ៉ាំសុកខ្លួនឯង

២ ឆ្នាំមុន

ខែឧសភា ១៦, ២០១៩ កម្សាន្ត

តាមសារព័ត៌មានអង់គ្លេស Daily Mail ទំនោរថ្មីនេះ ក៏ព្រោះតែតារាល្បីៗខាងលើ ឮ និងជឿតៗគ្នាថា ញ៉ាំសរីរាង្គក្នុងខ្លួន នឹងជួយជំរុញជាតិដែកក្នុងខ្លួន ជួយអារម្មណ៍បានប្រសើរ និងធ្វើឲ្យសម្បូរទឹកដោះសម្រាប់បំបៅកូន។ ទោះជាយ៉ាងណា ទាក់ទិននឹងដំណឹងខាងលើ ដែលថាធ្វើឲ្យមានជាតិដែក និងជំនួយដល់រាងកាយនោះ សមាគមក្រុមគ្រូពេទ្យឯកទេសផ្នែកសម្ភព និងក្រុមគ្រូពេទ្យជំនាញ ផ្នែកសិក្សាប្រព័ន្ធសរីរាង្គបង្កកំណើតស្រ្តី បានច្រានចោលទាំងស្រុង ដោយអះអាង សរីរាង្គនោះពុំបានផ្តល់ប្រយោជន៍អ្វីនោះទេ ហើយថែមទាំងបង្កគ្រោះថ្នាក់ទៅវិញ ព្រោះពួកគេរកឃើញថា នៅក្នុងសុកមនុស្សមានផ្ទុកបាក់តេរី អាចបង្កឲ្យឆ្លងរោគពីម្តាយទៅកូនទៀតផង តាមរយៈការបំបៅដោះ។ ជាការក្រើនរម្លឹក ក្រុមគ្រូពេទ្យ ក៏បានអំពាវនាវឲ្យតារាស្រីខាងលើ បញ្ឈប់ជំនឿញ៉ាំសរីរាង្គនោះ ទោះក្នុងទម្រង់ជាការចម្អិន ឬជាថ្នាំគ្រាប់ក៏ដោយ៕