រូបភាពទាំង១០ ដែលទស្សនាវដ្តី Forbes ចុះផ្សាយថាភ្ញៀវទេសចរនឹងមកទស្សនាកម្ពុជាបន្ទាប់ពីបានឃើញហើយ

២ ឆ្នាំមុន

ខែឧសភា ១៦, ២០១៩ ដើរលេង

កម្ពុជា៖ ប្រទេសកម្ពុជាជាប្រទេសដែលសម្បូរទៅដោយធនធានធម្មជាតិយ៉ាងច្រើន និងប្រាសាទបុរាណដ៏អស្ចារ្យដែលវាជាផ្នែកធំមួយក្នុងការទាក់ទាញភ្ញៀវទេសចរអន្តរជាតិឱ្យមកទស្សនាប្រទេសកម្ពុជា។ ថ្មីៗសារព័ត៌មានដ៏ល្បីរបស់អាមេរិក ទស្សនាវដ្តី Forbes បានចុះផ្សាយ
៖

ប្រាសាទអង្គរវត្ត ជាប្រាសាទដ៏ល្បីប្រចាំប្រទេសកម្ពុជាដែលភ្ញៀវទេសចរគ្រប់ៗគ្នាមិនអាចរំលងបាន។
ប្រាសាទបាយ័ន ក៏ជាប្រាសាទមួយដែលល្បីបន្ទាប់ពីប្រាសាទអង្គរវត្ត។
ប្រាសាទតាព្រហ្ម ដែលទទួលបានភាពល្បីល្បាញដោយសាររឿងហូលីវូដ Tomb Raider សម្តែងដោយ លោក Angelina Jolie។
ផ្សាររាត្រីខេត្តសៀមរាបអង្គរ ដែលភ្ញៀវជាតិ និងអន្តរជាតិតែងតែទៅទីនោះនៅពេលដែលទៅទស្សនា ក្រុង សៀមរាបពេលរាត្រី ព្រោះមានកន្លែងកម្សាន្តក៏ដូចជាមានវត្ថុអនុស្សារីយ៍ប្រចាំតំបន់ជាច្រើនផងដែរ។
ទេសភាពនៅភ្នំពេញពីសណ្ឋាគារ Rosewood ដែលលោកអ្នកអាចមើលទេសភាពពីលើអគារខ្ពស់នាពេលរាត្រី។
ព្រះបរមរាជវាំង ដែលភ្ញៀវទេសចរអាចទស្សនាពីរចនាបថនៃអគារ និងគ្រឿងលម្អនៅខាងក្នុងដែលពោរពេញទៅដោយពណ៌មាស និងប្រាក់។
សារមន្ទីរជាតិ ដែលជាកន្លែងពោរពេញទៅដោយវត្ថុបុរាណជាច្រើន និងប្រវត្តិសាស្រ្តរបស់ប្រទេសកម្ពុជា។
សារមន្ទីរឧក្រិដ្ឋកម្មប្រល័យពូជសាសន៍ទួលស្លែង ជាកន្លែងដ៏សំខាន់ដែលឆ្លុះបញ្ចាំងពីការទារុណកម្មនៅក្នុងរបបប្រល័យពូជសាសន៍។
អាហារបណ្តែតទឹកដែលមិនមែនមានតែនៅបាលីទេ តែវាក៏មាននៅវីឡាឯកជនមួយនៅ Templation ខេត្តសៀមរាបផងដែរ។
ម្ហូបខ្មែរ ដែលមិនអាចរំលងបាន ព្រោះមិនថាទៅដល់ប្រទេសណា អ្នកគួរភ្លក់រសជាតិមុខម្ហូបរបស់ប្រទេសដើមដើម្បីជាបទពិសោធន៍៕