DJ​ ​អាយុ​ ​៤ឆ្នាំ​ ​ក្លាយជា​ម្ចាស់​កំណត់ត្រា​ពិភពលោក​ ​ផ្នែក​ចាក់ភ្លេង​

​ហុងកុង​៖​ ​កុមារា​ដែល​មាន​អាយុ​ទើបតែ​ ​៤ឆ្នាំ​ ​Archie​ ​គឺជា​ ​DJ​ ​វ័យក្មេង​បំផុត​នៅ​លើ​ពិភពលោក​ ​ដែល​បាន​ក្លាយជា​ម្ចាស់​កំណត់ត្រា​ពិភពលោក​ ​ផ្នែក​ចាក់ភ្លេង​ ​រយៈពេល១ម៉ោង​ដោយ​គ្មាន​ជំនួយ​ ​នៅ​ក្លិប​កម្សាន្ត​មួយ​ ​នៅ​ទីក្រុង​ហុងកុង​។​

​កាលពី​ថ្ងៃទី៣០​ ​ខែមីនា​ ​Archie​ ​បាន​បង្ហាញ​សមត្ថភាព​ក្នុង​ការ​ចាក់ភ្លេង​ ​នៅចំពោះមុខ​ភ្នាក់ងារ​កំណត់ត្រា​ពិភពលោក​ ​Guiness​ ​World​ ​Record​ ​។​ ​កំណត់ត្រា​នេះ​ ​ត្រូវ​បាន​ប្រកាសប្រាប់​ជា​សាធារណៈ​ ​កាលពី​ថ្ងៃទី១៥​ ​ខែឧសភា​ ​ឆ្នាំ២០១៩​។​

​Archie​ ​ដែល​មាន​អាយុ​ ​៤ឆ្នាំ​ ​១៣០ថ្ងៃ​ ​បាន​បំបែក​កំណត់ត្រា​របស់​កុមារ​មក​ពី​អាហ្វ្រិក​ខាងត្បូង​ ​DJ​ ​Arch​ ​Jnr​ ​កាលពី​ឆ្នាំ២០១៧​ ​ដែល​ពេលនោះ​ ​គេ​មាន​វ័យ​ ​៥ឆ្នាំ​ ​៣៨ថ្ងៃ​។​ ​DJ​ ​Archie​ ​កើត​ក្នុង​ត្រកូល​គ្រួសារ​សញ្ជាតិ​អង់គ្លេស​ ​ដែល​បាន​ផ្លាស់ទៅ​រស់នៅ​ទីក្រុង​ហុងកុង​។​ ​ឪពុក​របស់​ ​Archie​ ​ក៏​ជា​ ​DJ​ ​ផង​ដែរ​៕​

​ប្រភព​៖​ ​South​ ​China​ ​Morning​ ​Post​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​