ព្រះបាទនរោត្តម សីហមុនី ជាព្រះមហាក្សត្រតែ១ព្រះអង្គគត់នៅលើពិភពលោក ដែលអាចមានព្រះរាជបន្ទូលភាសាឆែកបានយ៉ាងស្ទាត់ជំនាញ

២ ឆ្នាំមុន

ខែឧសភា ១៧, ២០១៩ អន្តរជាតិ

បរទេស៖ ព្រះបាទសម្ដេច ព្រះបរមនាថ នរោត្តម សីហមុនី បានបញ្ចប់ការសិក្សានៅឯទីក្រុង Prague ប្រទេសឆែក ដែលធ្វើឱ្យព្រះអង្គ ជាព្រះហាក្សត្រតែមួយអង្គគត់ ដែលអាចមានព្រះរាជបន្ទូលភាសាឆែកបានយ៉ាងស្ទាត់ជំនាញ។

ក្នុងព្រះជន្ម ៩ ព្រះវស្សា ព្រះអង្គបានយាងទៅសិក្សានៅទីក្រុង Prague នៅឆ្នាំ១៩៦២ ផ្នែករបាំបាឡេ។ នៅឆ្នាំ១៩៦៧ ព្រះអង្គបានសម្ដែងក្នុងខ្សែភាពយន្តមួយ ដែលមានចំណងជើងថា ”The Other Little Prince” ជាភាសាឆែក ក្រោមការដឹកនាំថតដោយ Vladimir Sis ។ បន្ទាប់ពី បញ្ចប់ការសិក្សាថ្នាក់វិទ្យាល័យ ព្រះអង្គ បានចូលរៀនថ្នាក់រាំ និងតន្ត្រី នៅទីក្រុង Prague រហូតដល់ឆ្នាំ១៩៧៥ ទើបព្រះអង្គយាងទៅប្រទេសកូរ៉េខាងជើង ដើម្បីរៀនពីជំនាញផលិតខ្សែភាពយន្ត។

នៅឆ្នាំ១៩៨១ ព្រះបាទនរោត្តម សីហមុនី បានយាងទៅកាន់ប្រទេសបារាំង។ នៅទីនោះ ព្រះអង្គបានបង្រៀនរបាំបាឡេ ដោយចំណាយពេលជិត ២០ឆ្នាំ ហើយព្រះអង្គ ក៏តែងតែយាងទៅកាន់ទីក្រុង Prague ជាប្រចាំផងដែរ៕