ក្មេងស្រី​ជនជាតិ​ម៉ាឡេស៊ី​ម្នាក់​បាន​សម្លាប់​ខ្លួន​ ​បន្ទាប់ពី​ឱ្យ​អ្នក​ ​Follow​ ​នាង​ក្នុង​ ​Instagram​ ​ជួយ​នាង​ជ្រើសរើស​រវាង​ ​រស់​ ​ឬ​ ​ស្លាប់​

ម៉ាឡេស៊ី​៖​ ​បើ​យោង​តាម​អាជ្ញាធរ​ក្នុង​ស្រុក​នៅក្នុង​ប្រទេស​ម៉ាឡេស៊ី​ ​បានឱ្យ​ដឹង​ថា​ ​ក្មេងស្រី​អាយុ​ ​១៦​ ​ឆ្នាំ​ ​ម្នាក់​បាន​ស្លាប់​ដោយ​ការ​សម្លាប់​ខ្លួន​ ​បន្ទាប់ពី​នាង​បាន​បង្ហោះ​ការស្ទង់មតិ​ ​(​Poll​)​ ​មួយ​នៅ​លើ​ ​Instagram​ ​ដោយ​ស្នើសុំ​ឱ្យ​អ្នក​តាមដាន​នាង​ ​(​Follower​)​ ​របស់​នាង​ជួយ​នាង​ជ្រើសរើស​រវាង​ ​រស់​ ​ឬក៏​ ​ស្លាប់​។​ ​ក្មេង​ជំទង់​ម្នាក់​នោះ​ ​បាន​បង្ហោះ​ការស្ទង់មតិ​នៅ​ម៉ោង​ ​៣​ ​រសៀល​កាលពី​ថ្ងៃ​ចន្ទ​ ​ដោយមាន​ចំណងជើង​ថា​ ​“​ពិតជា​សំខាន់​!​ ​ជួយ​ខ្ញុំ​ជ្រើស​យក​ ​D​ ​/​ ​L​”​ ​។​ ​ប្រហែល​ ​៦៩​%​ ​នៃ​អ្នកបោះឆ្នោត​ ​បាន​បោះឆ្នោត​ឱ្យ​ ​“​ ​D​ ​”​ ​ដែល​មានន័យថា​ស្លាប់​។​ ​បន្ទាប់មក​នាង​ត្រូវ​បាន​រក​ឃើញថា​ស្លាប់​ប្រហែល​ ​៥​ ​ម៉ោង​ក្រោយមក​។​

​
​នៅពេល​នេះ​ក្រុម​មន្រ្តី​មូលដ្ឋាន​កំពុងធ្វើការ​ស៊ើបអង្កេត​ថា​ ​តើ​អ្នក​ដែល​បាន​បោះឆ្នោត​ថា​ ​“​ស្លាប់​”​ ​អាច​ត្រូវ​ទទួលខុសត្រូវ​ចំពោះ​ការ​ស្លាប់​របស់​គាត់​ ​ឬ​ ​យ៉ាងណា​។​ ​នៅក្នុង​ប្រទេស​ម៉ាឡេស៊ី​ការ​ពន្លឿន​ការ​ធ្វើ​អត្តឃាត​របស់​អនីតិជន​ ​ត្រូវ​បាន​ចាត់ទុកថា​ជា​បទឧក្រិដ្ឋ​មួយ​ដែល​ភាគី​ដែល​មានទោស​អាច​ប្រឈម​នឹង​ទោស​ប្រហារជីវិត​ ​ឬ​ ​ជាប់គុក​រហូតដល់​ ​20​ ​ឆ្នាំ​៕​

អត្ថបទ៖ ណារ៉ូត