Connect with us

Sterling​ ​ព្រមាន​គូប្រជែង​ក្នុង​ស្រុក​ថា​ ​ManCity​ ​ចង់​លើក​ ​Premier​ ​League​ ​៣ឆ្នាំ​ជាប់គ្នា

អង់គ្លេស​៖​ ​Raheem​ ​Sterling​ ​បាន​ព្រមាន​ក្រុម​គូប្រកួត​របស់​ ​Manchester​ ​City​ ​នៅ​ក្របខ័ណ្ឌ​ ​Premier​ ​League​ ​ថា​ ​ក្រុម​ការពារ​ជើងឯក​កំពុងតែ​សម្លឹង​ឈ្នះ​ពាន​ ​៣លើក​ជាប់គ្នា​ក្នុង​ឆ្នាំ​ ​២០១៩​-​២០​។ ​Manchester​ ​City​ ​បាន​ឈ្នះ​ពានរង្វាន់​ក្របខ័ណ្ឌ​ ​Premier​ ​League​ ​ក្រោយពី​ប្រកួតប្រជែង​គ្នា​យ៉ាង​ប្រផិតប្រផើយ​ជាមួយ​ ​Liverpool​ ​ក្នុង​ការ​ប្រជែង​ដណ្តើម​ពាន​លី​ហ្គ​កំពូល​អង់គ្លេស​ ​ដោយមាន​គម្លាត​តែមួយ​ពិន្ទុ​ប៉ុណ្ណោះ​ ​ក្រោយ​បញ្ចប់​ ​៣៨ប្រកួត​។​

ពេលនេះ​ក្រុម​របស់​លោក​ ​Pep​ ​Guardiola​ ​មានឱកាស​ឈ្នះ​ពានរង្វាន់​បី​ក្នុង​ស្រុក​ ​ប្រសិនបើ​ពួកគេ​អាច​ផ្ដួល​ ​Watford​ ​នៅក្នុង​ក្របខ័ណ្ឌ​ ​FA​ ​Cup​ ​វគ្គ​ផ្តាច់ព្រ័ត្រ​ ​ខណៈ​ពាន​ ​Premier​ ​League​ ​និង​ ​EFL​ ​Cup​ ​មាន​ក្នុង​ដៃ​រួច​ទៅ​ហើយ​ ​ហើយ​កីឡាករ​ ​Sterling​ ​និង​មិត្ត​រួម​ក្រុម​កំពុង​គិត​ពី​ការ​ឈ្នះ​ពាន​ទាំង​បី​នេះ​នៅ​ឆ្នាំក្រោយ​ទៀត​។

​ខ្សែប្រយុទ្ធ​សញ្ជាតិ​អង់គ្លេស​មួយ​នេះ​បាន​ប្រាប់​ ​Mirror​ ​ថា​៖​ ​”​ខ្ញុំ​មាន​អារម្មណ៍​ថា​ ​យើង​លេង​កាន់​ល្អ​ប្រសើរ​ឡើង​ ​ហើយ​រដូវ​កាល​ក្រោយ​នឹង​ក្លាយជា​ការសាកល្បង​ដ៏​ធំ​មួយទៀត​សម្រាប់​យើង​។​ ​នេះ​មិនមែន​តែ​ចង់​ឈ្នះ​ត្រឹមតែ​មួយឆ្នាំ​ទេ​ ​គឺ​ច្រើន​ឆ្នាំ​តទៅមុខ​ទៀត​។​ ​យើង​ចង់​ក្លាយជា​ក្លិប​ដ៏​ល្អ​បំផុត​មួយ​នៅក្នុង​ប្រទេស​អង់គ្លេស​ ​និង​រួម​ទាំង​នៅក្នុង​ពិភពលោក​ផង​ដែរ​”​៕​

ប្រភព​៖​ ​TrollKhmer​

    Loading...

    ពេញនិយម