Connect with us

ក្លិប​អង់គ្លេស​ ​នឹង​អស់​កៅអី​លេង​ ​Champions​ ​League​ ​ទេ​ ​បើ​ ​Brexit​ ​ទៅរួច​?​

​អង់គ្លេស​៖​ ​ប្រសិនបើ​អង់គ្លេស​ ​អនុវត្ត​វិធានការ​ក្នុង​ការ​ដើរចេញ​ពី​សហភាព​អឺរ៉ុប​ ​Brexit​ ​កៅអី​ ​Champions​ ​League​ ​និង​ ​Europa​ ​League​ ​របស់​ក្លិប​បាល់ទាត់​នានា​ ​នៅ​លី​គ​កំពូល​អង់គ្លេស​ ​នឹង​មិន​មានការ​ប៉ះពាល់​ឡើយ​។​ ​

Brexit​ ​គឺ​ចក្រភព​អង់គ្លេស​ ​បញ្ចប់​ភាពជា​សមាជិក​សហភាព​អឺរ៉ុប​ ​(​EU​)​ ​របស់​ខ្លួន​ ​មិនមែន​បញ្ចប់​ភាពជា​សមាជិក​ ​សហព័ន្ធ​បាល់ទាត់​ទ្វីបអឺរ៉ុប​ ​(​UEFA​)​ ​ឡើយ​។​ ​ស្ថាប័ន​ទាំងពីរ​ ​គឺ​ខុសគ្នា​ដាច់​ស្រឡះ​។​ ​តួយ៉ាង​ ​ក្លិប​មួយចំនួន​ ​ដែល​មក​ពី​ប្រទេស​មិនទាន់​ចូល​ជាស​មា​ជិ​ក​ ​សហភាព​អឺរ៉ុប​ ​ក៏បាន​បង្ហាញ​វត្តមាន​ក្នុង​ពានរង្វាន់​ ​Champions​ ​League​ ​ដែរ​។​

ចំពោះ​ ​Brexit​ ​នេះ​ ​វា​គ្រាន់តែ​បាន​សេចក្ដី​ថា​ ​កីឡាករ​ដែល​មាន​ប្រភព​ពី​ប្រទេស​សមាជិក​សហភាព​អឺរ៉ុប​ ​នឹង​ត្រូវ​សហព័ន្ធ​កីឡាបាល់ទាត់​អង់គ្លេស​ ​ក៏ដូចជា​ចក្រភព​អង់គ្លេស​ ​ចាត់ទុកជា​ ​ជនបរទេស​។​ ​មួយវិញទៀត​ ​បើសិនជា​ ​Brexit​ ​ទៅរួច​ ​ក្លិប​អង់គ្លេស​ ​នឹង​ជួប​ការ​លំបាក​ក្នុង​ការដោះដូរ​កីឡាករ​បរទេស​ ​ដោយសារតែ​ការ​រឹត​បន្តឹង​ពី​ ​Brexit​ ​។​ ​ក្នុង​ពេល​បច្ចុប្បន្ន​នេះ​ ​កីឡាករ​បរទេស​ ​អាចម​ក​ប្រកប​អាជីព​នៅ​អង់គ្លេស​បាន​យ៉ាង​ងាយ​ ​ដោយ​មិន​ត្រូវការ​ទិដ្ឋាការ​។​

សូមជម្រាប​ថា​ ​គិត​មកទល់​ពេលនេះ​ ​Brexit​ ​មិនទាន់​ទទួល​បានការ​ឯកភាព​ពី​សភា​អង់គ្លេស​នោះ​ទេ​ ​ដូច្នេះ​ ​កីឡាករ​បរទេស​ដែល​កំពុង​ប្រកប​អាជីព​នៅ​ចក្រភព​អង់គ្លេស​ ​ក៏​មិនទាន់​មានការ​រឹត​បន្តឹង​ ​ឬ​ទាមទារ​ឱ្យ​មាន​ឯកសារ​ច្រើន​នោះ​ដែរ​។​ ​Brexit​ ​កើត​ចេញពី​ការបោះឆ្នោត​ប្រជាមតិ​មួយ​កាលពី​ខែមិថុនា​ ​ឆ្នាំ២០១៦​ ​ដោយមាន​សំឡេង​គាំទ្រ​ជាង​ ​៥១ភាគរយ​៕​

ប្រភព​៖​ ​BBC​,​ ​Quora​,​ ​Goal​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

    Loading...

    ពេញនិយម