នៅ​ប្រទេស​មួយ​ ​ការ​បរបាញ់​សត្វ​ដំរី​ ​មិនមែន​ជា​រឿង​ខុសច្បាប់​ឡើយ​

​បរទេស​៖​ ​រដ្ឋាភិបាល​ប្រទេស​ ​បូស​វ៉ា​ណា​ ​(​Botswana​)​ ​កាលពី​ថ្ងៃទី២២​ ​ខែឧសភា​ ​ឆ្នាំ២០១៩​ ​បាន​ដក​បម្រាម​លើ​ការ​បរបាញ់​សត្វ​ដំរី​ ​ក្រោម​ហេតុផល​ ​ចំនួន​ដំរី​ ​មានការ​កើនឡើង​ ​នៅក្នុង​ប្រទេស​ដែល​ស្ថិត​ក្នុង​ទ្វីប​អាហ្វ្រិក​មួយ​នេះ​។​ ​ការ​ដក​បម្រាម​នេះ​ ​បាន​បង្ក​ការរិះគន់​យ៉ាង​ខ្លាំង​ពីសំណាក់​ក្រុម​អ្នក​អភិរក្ស​សត្វព្រៃ​។​

លោក​ប្រធានាធិបតី​ ​Mokgweetsi​ ​Masisi​ ​បាន​ឡើង​កាន់​តំណែង​កាលពី​ខែមេសា​ ​ឆ្នាំ២០១៨​ ​មុន​ពេល​ដែល​សភា​ប្រទេស​បូស​វ៉ា​ណា​ ​បានសម្រេច​ដក​បម្រាម​ខាងលើ​។​ ​បម្រាម​លើ​ការ​បរបាញ់​សត្វ​ដំរី​ ​បាន​អនុវត្ត​នៅ​ប្រទេស​នេះ​ ​កាលពី​ឆ្នាំ២០១៤​ ​ក្រោម​ការដឹកនាំ​របស់​អតីត​ប្រធានាធិបតី​បូស​វ៉ា​ណា​ ​លោក​ ​Ian​ ​Khama​ ​ដែល​លោក​ជា​អ្នក​អភិរក្ស​សត្វព្រៃ​ម្នាក់​។​

គួរ​បញ្ជាក់​ថា​ ​ប្រទេស​បូស​វ៉ា​ណា​ ​ជា​ប្រទេស​ដែល​មាន​ចំនួន​សត្វ​ដំរី​ច្រើន​បំផុត​ ​នៅ​ទ្វីប​អាហ្វ្រិក​។​ ​តាម​ការ​ប៉ាន់ស្មាន​ ​សត្វ​ដំរី​ ​មាន​ប្រមាណ​ ​១៣៥០០០​ ​ក្បាល​ ​នៅ​ទូទាំង​ប្រទេស​នេះ​។​ ​អ្នកជំនាញ​អះអាង​ថា​ ​សត្វ​ដំរី​ ​បាន​កើនឡើង​ជាង​ ​៣ដង​ ​ក្នុងរយៈពេល​ ​៣០ឆ្នាំ​ចុងក្រោយ​ ​នៅ​បូស​វ៉ា​ណា​ ​ដោយ​តួលេខ​សត្វ​ដំរី​ ​អាច​បន្ត​កើនឡើង​ដល់​ ​១៦ម៉ឺន​ក្បាល​៕​

ប្រភព​៖​ ​AFP​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​