ចិន​ ​គ្រោង​កាត់​ផ្តាច់​វត្ថុធាតុដើម​ផលិត​ ​iPhone​ ​និង​មី​ស៊ី​ល​របស់​អាមេរិក​

អាមេរិក​៖​ ​លោក​ ​ស៊ី​ ​ជិន​ពីង​ ​ប្រធានាធិបតី​ចិន​ ​កាលពី​ពេល​ថ្មី​ៗ​នេះ​ ​បាន​ធ្វើដំណើរ​ទៅកាន់​ភាគ​ខាងត្បូង​ប្រទេស​ចិន​ ​ដែល​ជាទី​តាំង​រុករក​រ៉ែ​ដ៏​កម្រ​សម្រាប់​ការផលិត​ឧបករណ៍​អេឡិចត្រូនិក​ ​ដែល​ចិន​ជា​ប្រទេស​មួយ​ធ្វើការ​នាំចេញ​ច្រើន​បំផុត​នៅ​លើ​ពិភពលោក​។​
​
​ទោះបីជា​លោក​ប្រធានាធិបតី​ចិន​ ​មិនបាន​មានប្រសាសន៍​ជុំវិញ​គម្រោង​កាត់​ផ្តាច់​ការ​ផ្គត់ផ្គង់​វត្ថុធាតុដើម​សម្រាប់​ផលិត​ឧបករណ៍​អេឡិចត្រូនិក​ក្ដី​ ​ក៏​អ្នកជំនាញ​មួយចំនួន​ ​ជឿ​ថា​ ​រដ្ឋាភិបាល​ក្រុង​ប៉េកាំង​កំពុង​អនុវត្ត​វិធានការ​ឆ្លើយតប​នឹង​អាមេរិក​ ​ក្នុង​សង្គ្រាម​ពាណិជ្ជកម្ម​។​

​
​នេះ​មិនមែន​ជា​រឿង​ថ្មី​ទេ​សម្រាប់​រដ្ឋាភិបាល​ទីក្រុង​ប៉េកាំង​ ​បន្ទាប់ពី​ចិន​ ​បាន​អនុវត្ត​វិធានការ​ដូចគ្នា​នេះ​ ​ចំពោះ​ប្រទេស​ជប៉ុន​ ​កាលពី៩ឆ្នាំមុន​ ​ដោយសារ​ជម្លោះទឹកដី​ ​ដែល​បាន​ធ្វើ​ឱ្យ​តម្លៃ​រ៉ែក​ម្រ​សម្រាប់​ផលិត​ឧប​ក​រណ៍​ផ្សេង​ៗ​ ​ឡើងថ្លៃ​កប់​ពពក​។​ ​ការ​ចម្រាញ់​រ៉ែក​ម្រ​ទាំងនេះ​ ​គឺ​មានតម្លៃ​ថ្លៃ​ ​និង​អាច​បង្ក​ផល​ប៉ះពាល់​ដល់​បរិស្ថាន​ទៀតផង​។​ ​ចិន​ ​គឺជា​អ្នក​ចម្រាញ់​រ៉ែក​ម្រ​ ​ឱ្យ​ក្លាយជា​ផលិតផល​មានតម្លៃ​ជាច្រើន​។​ ​ហើយ​រ៉ែក​ម្រ​នេះ​ ​ក៏​ត្រូវ​បាន​ប្រើប្រាស់​សម្រាប់​ផលិត​ ​iPhone​ ​និង​ ​គ្រាប់​មី​ស៊ី​ល​ ​ដែល​អាមេរិក​ ​នាំចូល​ពី​ប្រទេស​ចិន​។​

​
​អ្នកជំនាញ​អះអាង​ថា​ ​វិធានការ​នេះ​ ​គឺ​ដើម្បី​ឆ្លើយតប​នឹង​រដ្ឋបាល​របស់​លោក​ប្រធានាធិបតី​ ​ដូ​ណាល់​ ​ត្រាំ​ ​ដែល​បាន​ដាក់ទណ្ឌកម្ម​មក​លើ​ក្រុមហ៊ុន​បច្ចេកវិទ្យា​យក្ស​របស់​ចិន​ ​Huawei​ ​ដែល​ជា​ក្រុមហ៊ុន​ធំ​លំដាប់​ទី២​ ​នៅ​លើ​ពិភពលោក​ ​ខណៈ​ ​Apple​ ​របស់​អាមេរិក​ ​បាន​ធ្លាក់​ទៅ​លំដាប់​ទី៣​៕

​
​
​ប្រភព​៖​ ​The​ ​New​ ​York​ ​Times​
​ប្រែ​សម្រួល​៖​ ​ចាន់​ ​សោភ័ណ្​ឌ​លាភ​