ឥណ្ឌូណេស៊ី​ ​ប្រហារ​ជីវិតជនជាតិ​ថៃ២នាក់​ ​ដែល​លាក់​គ្រឿងញៀន​ក្នុង​ពោះ​

​ឥណ្ឌូណេស៊ី​៖​ ​មន្ត្រី​គយ​ឥណ្ឌូណេស៊ី​ ​នៅ​កោះ​បាលី​ ​បាន​ធ្វើការ​ចាប់ខ្លួន​ជនជាតិ​ថៃ​ចំនួន​ ​២នាក់​ ​ដែល​មានបំណង​រត់ពន្ធ​គ្រឿងញៀន​ជាង​ ​១គីឡូក្រាម​ ​ដោយ​លេប​ទុក​ក្នុង​ពោះ​ ​រួច​គ្រោង​យក​ចូល​តាម​រយៈ​ព្រលា​នយន្ត​ហោះ​ ​Ngurah​ ​Rai​ ​។​

ជនជាតិ​ថៃ​ទាំងពីរ​រូប​ ​មានឈ្មោះ​ ​Prokob​ ​Seetasang​ ​និង​ ​Radisson​ ​Phenlamat​ ​ត្រូវ​បាន​ចាប់ខ្លួន​កាលពី​ថ្ងៃទី១៣​ ​ខែឧសភា​ ​ឆ្នាំ២០១៩​។​ ​ប៉ូលិស​ ​បាន​រក​ឃើញ​សារធាតុ​សង្ស័យ​ក្នុង​ពោះ​របស់​ជនសង្ស័យ​ទាំងពីរ​ ​នៅពេល​ស្កេន​ដោយ​កាំរស្មីអ៊ិច​។​ ​ក្នុង​នោះ​ ​បុរស​ម្នាក់​ ​បាន​លេប​គ្រឿងញៀន​ ​៤៩កញ្ចប់​ ​និង​ម្នាក់ទៀត​ ​លេប​ ​៥២កញ្ចប់​ ​ដែល​សរុប​ស្មើនឹង​ទឹកប្រាក់​ជាង​ ​១០ម៉ឺន​ដុល្លារ​អាមេរិក​។​

​តាមច្បាប់​របស់​ឥណ្ឌូណេស៊ី​ ​ជនល្មើស​រត់ពន្ធ​គ្រឿងញៀន​ ​នឹង​ទទួលទោស​ប្រហារជីវិត​ ​និង​ពិន័យ​ជា​ប្រាក់​ជិត​ ​៧០ម៉ឺន​ដុល្លារ​អាមេរិក​៕​

​ប្រភព​៖​ ​Coconut​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​