Connect with us

ខែកក្កដា ឆ្នាំ២០១៨ សមត្ថកិច្ចជំនាញ ចាប់រថយន្តដឹកលើសទម្ងន់បានចំនួន ២១៧គ្រឿង និង ពិន័យជាប្រាក់បានជាង ៥២៤ លានរៀល

ភ្នំពេញ ៖ ក្នុងខែកក្កដា ឆ្នាំ២០១៨ លេខាធិការដ្ឋានរបស់គណៈកម្មាធិការសម្របសម្រួលអចិ ន្ត្រៃយ៍ នៃគណៈកម្មាធិការដឹកនាំការត្រួតពិនិត្យយានយន្តដឹកជញ្ជូនលើសទម្ងន់កម្រិតកំណត់ ចាប់បានរថយន្តដឹកទំនិញលើសទម្ងន់កម្រិតកំណត់ ចំនួន ២១៧គ្រឿង និងពិន័យបានថវិកាសរុបចំនួន ៥២៤,៦៥០,០០០ រៀល។
ក្រសួងសាធារណៈការ និង ដឹកជញ្ជូនសង្កេតឃើញថា ចំនួនរថយន្ត ដែលចាប់បានទាំងនេះ មានការកើនឡើងចំនួន ០៥ គ្រឿង គឺ ពី ២១២ គ្រឿង ក្នុងខែមិថុនា មក ២១៧ គ្រឿង ក្នុងខែ កក្កដា ឆ្នាំ២០១៨ ។ ក្នុងចំណោមរថយន្តដែលចាប់បាននោះ បានផ្ទុកលើសទម្ងន់ចាប់ពី ៥តោន រហូតដល់ ៤០តោន ។
ជាមួយគ្នានេះ ក្រសួង ក៏បានកោតសរសើរដល់ក្រុមការងារជញ្ជីងចល័ត និងស្ថានីយជញ្ជីងទាំងអស់ ដែលតាមដាននឹងអនុវត្តទប់ស្កាត់ការដឹកជញ្ជូនលើសទម្ងន់កម្រិតកំណត់កន្លងមក និង បានជំរុញអោយបន្តយកចិត្តទុកដាក់អនុវត្តការងារនេះបន្ថែមទៀត ។
គួររំលឹកថា បើទោះបីជាមានការដាក់ចេញនូវវិធានការណ៍តឹងរឹងយ៉ាងណា ក៏គេសង្កេតឃើញ ថា នៅមានរថយន្តជាច្រើនដែលបន្តដឹកជញ្ជូនដោយលើសទម្ងន់ ក្នុងមួយខែៗ ដែលធ្វើអោយមានការខូចខាតបណ្តាញផ្លូវថ្នល់ និង ខាតបង់ថវិការដ្ឋ ជាច្រើនផងដែរ ៕

 

  • អត្ថបទទាក់ទង :
  • Featured
Loading...

ពេញនិយម