Lampard ច្រានចោលពាក្យចចាមអារាមថា លោក នឹងអាចក្លាយជាអ្នកចាត់ការថ្មីរបស់ Chelsea

៣ ឆ្នាំមុន

ខែឧសភា ២៩, ២០១៩ កីឡា

អង់គ្លេស៖ Frank Lampard បានច្រានចោលនូវការរំពឹងទុកថា គាត់អាចក្លាយជាអ្នកចាត់ការថ្មីរបស់ Chelsea ក្រោយពីមិនអាចជួយឲ្យក្លិប Derby ឡើងមកលេងនៅ Premier League។អតីតកីឡាករក្រុមតោខៀវ Lampard ត្រូវបានផ្សារភ្ជាប់យ៉ាងខ្លាំងជាមួយនឹងការវិលត្រឡប់ទៅកាន់ទឹកដី Stamford Bridge ជំនួសលោក Maurizio Sarri ដែលកំពុងមានពាក្យចចាមអារ៉ាម ទៅដឹកនាំនៅ Juventus បន្ទាប់ពីការចាកចេញរបស់លោក Allegri ។

Lampard ដែលរដូវកាលទី១ ជាអ្នកចាត់ការទូទៅនៅក្លិប Derby បានបញ្ចប់ក្នុងការខកចិត្ត បានបដិសេធពីការរំពឹងទុកថា រូបលោកនឹងទៅដឹកនាំ Chelsea ដោយបញ្ជាក់ថា គាត់នឹងនិយាយទៅកាន់ម្ចាស់ក្លិប Derby លោក Mel Morris ពីអនាគត។លោកបាននិយាយថា៖ ”ខ្ញុំមិនចាប់អារម្មណ៍នឹងការរំពឹងទុកនោះទេ។ ខ្ញុំនឹងអង្គុយជាមួយលោក Mel Morris ក្នុងពេលប៉ុន្មានថ្ងៃខាងមុខនេះ។ ខ្ញុំមានកុងត្រារយៈពេល ២ឆ្នាំ ហើយខ្ញុំចូលចិត្តធ្វើការនៅទីនេះ”៕