Connect with us

ម៉ាឡេស៊ី​ ​នឹង​ដឹក​សំរាម​ប្លាស្ទិក​ ​៣ពាន់​តោន​ទៅ​ចោល​នៅ​ប្រទេស​ដែល​ផលិត​វិញ​ ​

​ម៉ាឡេស៊ី​៖​ ​រដ្ឋាភិបាល​ប្រទេស​ម៉ាឡេស៊ី​ ​នឹង​ធ្វើការ​ដឹក​កាកសំណល់​ប្លាស្ទិក​ចំនួន​ ​៣០០០តោន​ ​ទៅកាន់​ប្រទេស​ដែល​ជា​ប្រភព​របស់​សំរាម​ទាំងនោះ​វិញ​ ​នេះ​បើ​យោង​តាម​ការប្រកាស​របស់​រដ្ឋមន្ត្រី​ក្រសួងបរិស្ថាន​ម៉ាឡេស៊ី​ ​កាលពី​ថ្ងៃទី២៨​ ​ខែឧសភា​ ​ឆ្នាំ២០១៩​។​

​លោកស្រី​ ​Yeo​ ​Bee​ ​Yin​ ​រដ្ឋមន្ត្រី​ថាមពល​ ​បច្ចេកវិទ្យា​ ​វិទ្យាសាស្ត្រ​ ​បរិស្ថាន​ ​និង​បម្រែបម្រួល​អាកាសធាតុ​ម៉ាឡេស៊ី​ ​បាន​ថ្លែង​ថា​ ​សំរាម​ប្លាស្ទិក​ចំនួន​ ​៦០កុងតឺន័រ​ ​នឹង​ត្រូវ​បញ្ជូន​ត្រឡប់ទៅ​កាន់​ប្រភព​របស់​ពួកវា​វិញ​។​ ​លោកស្រី​បន្ថែម​ថា​ ​សំរាម​ទាំងនោះ​ ​ត្រូវ​បាន​ដឹក​មកកាន់​ម៉ាឡេស៊ី​ ​ដោយ​ខុសច្បាប់​ ​និង​បង្ក​ផល​ប៉ះពាល់​ដល់​បរិស្ថាន​ធ្ងន់ធ្ងរ​ ​ពី​ប្រទេស១៤​ ​រាប់បញ្ចូល​ទាំង​ ​សហរដ្ឋអាមេរិក​ ​ជប៉ុន​ ​បារាំង​ ​កាណាដា​ ​អូស្ត្រាលី​ ​និង​ ​ចក្រភព​អង់គ្លេស​។​

​មកទល់​ពេលនេះ​ ​ម៉ាឡេស៊ី​ ​បាន​បញ្ជូន​សំរាម​ប្លាស្ទិក​ចំនួន​ ​៥កុងតឺន័រ​ ​ត្រឡប់ទៅ​កាន់​ប្រទេស​អេស្ប៉ាញ​រួច​ទៅ​ហើយ​។​

សូម​ម្រាប​ថា​ ​ម៉ាឡេស៊ី​ ​បាន​ក្លាយជា​គោលដៅ​បោះចោល​សំរាម​ប្លាស្ទិក​របស់​ប្រទេស​អ្នកមាន​នៅ​ជុំវិញ​ពិភពលោក​ ​កាលពី​ឆ្នាំ២០១៨​ ​បន្ទាប់ពី​រដ្ឋាភិបាល​ប្រទេស​ចិន​ ​ដាក់​បម្រាម​ការនាំចូល​សំណល់​ប្លាស្ទិក​៕​

​ប្រភព​៖​ ​Bangkok​ ​Post​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

  • អត្ថបទទាក់ទង :
  • Featured
Loading...

ពេញនិយម