Dortmund បុកទិញកីឡាករ ពង្រឹងក្រុមនៅរដូវកាលក្រោយ ដើម្បីប្រជែងនឹង Bayern Munich

៣ ឆ្នាំមុន

ខែឧសភា ២៩, ២០១៩ កីឡា

អាល្លឺម៉ង់៖ បន្ទាប់ពីរបូតពានរង្វាន់ Bundesliga ទៅក្រុមគូប្រជែង Bayern Munich ពេលនេះ ក្រុម Borussia Dortmund បានធើ្វការទិញចូលនូវកីឡាករថ្មីៗចំនួន ៣រូប ភ្លាមៗ ដើម្បីពង្រឹងក្រុមនៅរដូវកាលក្រោយ។

គិតត្រឹមរយៈមិនដល់១សប្ដាហ៍ផង ក្រោយលីហ្គកំពូលអាល្លឺម៉ង់បានបញ្ចប់ ក្រុមរហស្សនាមឃ្មុំលឿងនេះបានធើ្វការទិញនៅកីឡាករថ្មីៗដល់ទៅ ៣រូបសុទ្ធសឹងតែទិញពីក្លិបគូប្រជែងក្នុងស្រុក ដែលមានដូចជាខែ្សការពាររបស់ក្រុម Hoffenheim កីឡាករ Nico Schulz តម្លៃ២៧លានផោន កុងត្រា៥ឆ្នាំ។

កីឡាករម្នាក់ទៀតគឺ Thorgan Hazard ដែលជាបងប្អូនបង្កើតរបស់ Eden Hazard ពីក្រុម Borussia Mochenglabach ក្នុងតម្លៃរវាង ២៥ ទៅ៤០លានផោន កុងត្រា៥ឆ្នាំ និងចុងក្រោយគឺខែ្សបម្រើស្លាប Julian Brandt ពីក្រុម Bayern Leverkusen ក្នុងតម្លៃ ២៥លានផោន កុងត្រា៥ឆ្នាំដូចគ្នា៕