Connect with us

សហព័ន្ធ​បាល់ទាត់​ប្រេស៊ីល​បញ្ជាក់​ថា​ ​Neymar​ ​កំពុង​ទទួលការ​ព្យាបាល​ ​បន្ទាប់ពី​មាន​អារម្មណ៍​មិន​ស្រួល​ក្នុង​ជង្គង់​ ​

ប្រេស៊ីល​៖​ ​សហព័ន្ធ​បាល់ទាត់​ប្រេស៊ីល​ ​(​CBF​)​ ​បាន​បញ្ជាក់​ថា​ ​Neymar​ ​កំពុង​ទទួលការ​ព្យាបាល​ ​បន្ទាប់ពី​មាន​អារម្មណ៍​មិន​ស្រួល​ទាក់ទង​នឹង​ជង្គង់​ខាងឆ្វេង​របស់​គេ​។​ក្រោយ​សម្រាក​ព្យាបាល​របួស​ជើង​អស់​រយៈពេល​ ​៣ខែ​កន្លងមក​ ​តារាបាល់ទាត់​ប្រេស៊ីល​ ​Neymar​ ​បាន​ចូលរួម​ហ្វឹកហាត់​កាលពី​ថ្ងៃអង្គារ​ ​ត្រៀម​សម្រាប់​ការប្រកួត​ ​Copa​ ​America​ ​ដែល​នឹង​ចាប់ផ្តើម​នៅ​ប៉ុន្មាន​សប្ដាហ៍​ទៀត​ ​ប៉ុន្តែ​ក្នុងអំឡុងពេល​ហ្វឹក​ហា​ត់​ក៍​មាន​បញ្ហា​ជង្គង់​ ​បន្ទាប់ពី​រូបគេ​ខំប្រឹង​ស៊ុត​។​



​ភ្លាម​នោះ​ខ្សែប្រយុទ្ធ​របស់​ ​PSG​ ​រូប​នេះ​ក៍​បាន​ដកខ្លួន​ចេញពី​ការ​ហ្វឹកហាត់​ ​ហើយ​ ​សហព័ន្ធ​បាល់ទាត់​ប្រេស៊ីល​ ​បានឱ្យ​ដឹង​ថា​ ​Neymar​ ​នឹង​បន្ត​ធ្វើការ​អង្កេត​លើ​បញ្ហា​នេះ​ថា​តើ​ ​របួស​ធ្ងន់ធ្ងរ​ ​ឫ​យ៉ាងណា​ ​ខណៈ​ប្រេស៊ីល​គ្រោង​នឹង​បើកឆាក​ការប្រកួត​ពាន​ ​Copa​ ​America​ ​ទល់នឹង​ ​Bolivia​ ​នៅ​ថ្ងៃទី១៤​ ​ខែមិថុនា​។​ ​មុន​ពេល​បើក​យុទ្ធនាការ​របស់​ពួកគេ​នៅ​ ​Sao​ ​Paulo​ ​ក្រុម​ប្រេស៊ីល​នឹង​ត្រូវ​ជួប​ជាមួយ​កា​តា​ ​នៅ​ថ្ងៃ​ ​៥​ ​មិថុនា​ ​និង​ប្រទេស​ហុន​ឌូ​រ៉ា​ស​ ​នៅ​ថ្ងៃ៩​ ​មិថុនា​ ​នៅក្នុង​ការប្រកួត​មិត្តភាព​អន្តរជាតិ​ផង​ដែរ​៕​

ប្រភព៖ TrollKhmer

    Loading...

    ពេញនិយម