Connect with us

ក្រសួងពាណិជ្ជកម្ម កៀង​គរឲ្យ​ម្ចាស់សហគ្រាស​ក្នុងស្រុក​ទៅចូលរួម​ពិព័រណ៍​អន្តរជាតិនៅប្រទេសចិន

ក្រសួងពាណិជ្ជកម្ម បាន​ជូនដំណឹងដល់ពាណិជ្ជករ អាជីវករ និងសាធារណជនទូទៅឲ្យដឹងថា​៖ ការិយាល័យពិព័រណ៍អន្តរជាតិ សហគ្រាសខ្នាតតូច និង​មធ្យម​នៃសាធារណរដ្ឋប្រជាមានិតចិន ​នឹងរៀបចំ​កម្ម​វិធី​តាំង​ពិព័រណ៍ “The 15th China International SME Fair” ដែលនឹង​ប្រព្រឹត្ត​ទៅចាប់​ពីថ្ងៃ​ទី​១០​ ដល់​ ១៣ ខែតុលា ឆ្នាំ២០១៨ ​​នៅ​ POLY World Trade Center Expo ទីក្រុងក្វាងចូវ ខេត្តក្វាងទុង ប្រទេសចិន។

ស្រប​ជាមួយ​ព្រឹត្តិការណ៍​នេះ ក្រសួងពាណិជ្ជកម្ម អញ្ជើញពាណិជ្ជករ អាជីវករ​ ដែល​ជា​ម្ចាស់​ក្រុមហ៊ុន និងសហគ្រាសទាំងអស់ ដែលមានបំណងទៅចូលរួមផ្សព្វផ្សាយពីផលិតផលរបស់ខ្លួន ឬមាន​គម្រោងស្វែងរកដៃគូពាណិជ្ជកម្មក្នុងព្រឹត្តិការណ៍ពិព័រណ៍នេះ សូមមកទាក់ទង និងបំពេញបែបបទ​នៅ​នាយកដ្ឋាន កិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម ចាប់ពីថ្ងៃជូនដំណឹងនេះរហូត​ដល់​ត្រឹម​ថ្ងៃទី១២ ខែសីហា ឆ្នាំ២០១៨ ដោយភ្ជាប់មកជាមួយនូវពាក្យស្នើសុំចូលរួម និងឯកសារពាក់ព័ន្ធ​ផ្សេងៗទៀត។

សម្រាប់អាជីវករ ឬ​ ពាណិជ្ជករដែលចាប់អារម្មណ៍អាច ទាក់ទងនាយកដ្ឋានកិច្ចការពិព័រណ៍ នៃអគ្គនាយកដ្ឋានជំរុញពាណិជ្ជកម្ម​ក្រសួងពាណិជ្ជកម្ម​។

  • អត្ថបទទាក់ទង :
  • Featured
Loading...

ពេញនិយម