Connect with us

អ្នកដំណើរ​ម្នាក់​បាន​បង្ខំ​ឱ្យ​បុគ្គលិក​អាកាសចរ​លុតជង្គង់​សុំទោស​ក្រោយ​ការហោះហើរ​ត្រូវ​ពន្យា​ពេល

​ប្រទេស​ចិន​៖​ ​ជនជាតិ​ចិន​ដែល​មិន​មានចិត្ត​អំណត់​ម្នាក់​ដែល​បាន​រង់ចាំ​ជើង​យន្តហោះ​ដែល​ត្រូវ​ហោះ​ពី​ ​Zhengzhou​ ​ទៅ​ ​Shenzhen​ ​របស់​អាកាសចរណ៍​ ​West​ ​Air​ ​បា​នព​ន្យា​ពេល​ហោះហើរ​រយៈពេល៧ម៉ោង​ដោយសារ​អាកាសធាតុ​មិនល្អ​។​ ​

ពេលនោះ​បុរស​ម្នាក់​មានការ​ខឹង​សម្បារ​យ៉ាង​ខ្លាំង​ ​និង​ ​បាន​ស្រែក​គំហក​ទៅ​បុគ្គលិក​ឱ្យ​លុតជង្គង់​ដើម្បី​ធ្វើការ​សុំទោស​ ​ក្រោយមក​បុគ្គលិក​បាន​ឆ្លើយតប​ទៅវិញ​ថា​ ​“​ខ្ញុំ​គ្រាន់តែ​បំពេញ​តួនាទី​របស់​ខ្លួន​ប៉ុណ្ណោះ​ ​មិន​មានហេតុ​ផល​ដែល​ត្រូវ​ធ្វើ​រឿង​អា​ម៉ាស​នេះ​ទេ​”​។​ ​ប៉ុន្តែ​បុរស​ដែល​កំពុងតែ​មាន​កំហឹង​នោះ​បាន​តប​វិញ​ថា​ ​“​នេះ​មិនមែន​ជា​រឿង​ដែល​អា​ម៉ាស​ឡើយ​ ​ប៉ុន្តែ​វា​ជា​រឿង​ដែល​អ្នក​គួរ​ធ្វើជា​តំណាង​របស់​ក្រុមហ៊ុន​ដើម្បី​ធ្វើការ​សុំទោស​”​។​ ​

ក្រោយមក​បុគ្គលិក​ម្នាក់​នោះ​បាន​យល់ព្រម​ធ្វើការ​សុំទោស​ ​ប៉ុន្តែ​បុរស​ម្នាក់​នោះ​ទទូច​ឱ្យ​លុតជង្គង់​ ​តែ​អ្នកដំណើរ​ផ្សេងទៀត​បាន​សម្រួល​ឱ្យ​សភាពការណ៍​ប្រសើរ​ឡើងវិញ​ដោយ​សួរ​ថា​ ​”​តើ​ការ​សុំទោស​អាច​ទទួល​បានអ្វី​មកវិញ​?​”​ ​៕​

​កែសម្រួល​៖​ ​គង់​ ​ចាន់​ស្រី​នុច​

    Loading...

    ពេញនិយម