Miss Global ហង្ស សុរិយាន់ ប្រាប់ពីគន្លឹះដើម្បីឱ្យមានរាងស្អាតស្លៀកអីក៏សម

ភ្នំពេញ៖ កាលពីពេលថ្មីៗ បវរកញ្ញា ហង្ស សុរិយាន់ បានបង្កការភ្ងាក់ផ្អើលជាខ្លាំងបន្ទាប់ពីខ្លួនបានបង្ហោះរូបថតថ្មីៗមួយចំនួនដែលខ្លួនទើបតែបានថត។តាមរយ:រូបថតទាំងនោះ មានប្រិយមិត្តជាច្រើនបានសរសើរមិនដាច់ពីមាត់ចំពោះសម្រស់ និងរូបរាងដ៏ល្អឥតខ្ចោះរបស់បវរកញ្ញា ហង្ស សុរិយាន់។

សុរិយាន់ បានចែករំលែកគន្លឹះដើម្បីឱ្យមានរាងស្អាតមកកាន់ប្រិយមិត្តរបស់ MyTV PLUS ថា នរណាៗក៏អាចមានរាងស្អាតបានដែរ សំខាន់គ្រាន់តែយើងត្រូវមានការតាំងចិត្ត ខំហាត់ប្រាណ និងអ្វីដែលសំខាន់បំផុតនោះគឺញុំាអាហារដែលមានអនាម័យ ព្រមទាំងសម្បូរទៅដោយសារធាតុចិញ្ចឹម និងជៀសវាងអាហារដែលមានជាតិខ្លាញ់។

គួរបញ្ជាក់ផងដែលថា Miss Global កម្ពុជា ហង្ស សុរិយាន់ ក៏ធ្លាប់ជាអតីតជ័យលាភីលេខ ៤ របស់កម្មវិធី Cambodia’s Next Top Model របស់ស្ថានីយទូរទស្សន៍ MyTV ផងដែរ៕

អត្ថបទ៖ ណារ៉ូត