Nadech និង Yaya បង្ហើបប្រាប់ពីគម្រោងរៀបការ

ថៃ៖ Nadech និង Yaya គឺជាគូស្នេហ៍ដ៏ល្បីប្រចាំប្រទេសថៃ ដែលប្រិយមិត្តជាច្រើនទទួលស្គាល់ថា គូស្នេហ៍មួយគូនេះមានភាពផ្អែមល្ហែម និងតែងតែបង្ហាញភាពស្និតស្នាលជាមួយគ្នាជារឿយៗ។ កាលពីពេលថ្មីៗនេះ Yaya ត្រូវបានគេសួរអំពីគម្រោងរៀបការជាមួយ Nadech ដែលចម្លើយរបស់នាងធ្វើឱ្យក្រុមអ្នកគាំទ្រភ្ញាក់ផ្អើលជាខ្លាំង។ Yaya បាននិយាយថា ពួកគេមិនដែលនិយាយរឿងរៀបការជាមួយគ្នានោះទេ ហើយនាងក៏មិនដែលគិតអំពីរឿងនេះផងដែរ។ Yaya បានបន្តទៀតថា នាងនឹងមិនទៅណាចោល Nadech នោះទេ គ្រាន់តែការរៀបការមិនមែនជាអ្វីដែលគាត់គ្រោងនឹងធ្វើក្នុងពេលឆាប់ៗឡើយ៕

អត្ថបទ៖ ណារ៉ូត