Connect with us

អាមេរិក ពិនិត្យឈ្មោះក្នុង Facebook អ៊ីម៉ែល របស់អ្នកស្នើសុំទិដ្ឋាការ

អាមេរិក៖ ក្រសួងការបរទេសសហរដ្ឋអាមេរិក បានប្រកាសថា ការស្នើសុំទិដ្ឋាការ នឹងតម្រូវឱ្យអ្នកស្នើទាំងអស់ ផ្ដល់ឈ្មោះគណនីដែលខ្លួនប្រើប្រាស់នៅក្នុងបណ្ដាញទំនាក់ទំនងសង្គម ដូចជា Facebook, Instagram, Youtube ព្រមទាំងអ៊ីម៉ែល ដែលប្រើប្រាស់បានរយៈពេលយ៉ាងតិច ៥ឆ្នាំ និងលេខទូរសព្ទ ជាដើម។

ជំហរនេះ គឺអនុវត្តតាមច្បាប់ដែលត្រូវបានស្នើកាលពីខែមីនា ឆ្នាំ២០១៨ ដោយរដ្ឋាភិបាលរបស់លោកប្រធានាធិបតី ដូណាល់ ត្រាំ។ អ្នកទៅធ្វើការ និងសិក្សា ឬអ្នកទេសចរនានា ជិត ១៥លាននាក់ ដែលធ្វើដំណើរទៅកាន់ទឹកដីអាមេរិកជារៀងរាល់ឆ្នាំ នឹងត្រូវប៉ះពាល់។ យ៉ាងណាមិញ មន្ត្រីការទូត និងប្រតិភូតំណាងប្រទេសផ្សេងៗ ដែលគ្រោងចូលទៅកាន់ទឹកដីអាមេរិក ដើម្បីបំពេញការងាររបស់ពួកគេ ត្រូវបានលើកលែង។

 

អាមេរិក បានព្រមានថា បុគ្គលដែលកុហក ពីព័ត៌មានរបស់ខ្លួន នឹងត្រូវប្រឈមមុខនឹងច្បាប់អន្តោប្រវេសន៍អាមេរិកដែលត្រូវបានអនុវត្តយ៉ាងម៉ឺងម៉ាត់៕

ប្រភព៖ BBC

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម