រូបសំណាក់ឥន្ទ្រីបះជើងឡើងលើបានលេចចេញជារូបរាងនៅប្រទេសឥណ្ឌា និងចំណាយពេល១០ឆ្នាំក្នុងការបញ្ចប់គម្រោងសាងសង់

២ ឆ្នាំមុន

ខែមិថុនា ៤, ២០១៩ កម្សាន្ត

ឥណ្ឌា៖ សត្វឥន្រ្ទីដែលមានឈ្មោះ Jatayu ត្រូវបានគេស្គាល់នៅក្នុងរឿងព្រេងរាមាយណៈ ដោយក្នុងដំណើររឿង នាងសិតាដែលជាមហេសីរបស់ព្រះរាមណ៍ ត្រូវបានស្តេចយក្ស Ravana ចាប់ខ្លួនតែត្រូវបានបក្សី Jatayu ធ្វើការប្រយុទ្ធសដើម្បីជួយសង្គ្រោះនាងមកវិញបាន ប៉ុន្តែបក្សី Jatayu បានបាត់បង់ស្លាបខាងឆ្វេងរបស់ខ្លួនអស់មួយចំហៀង។

ហេតុដូចនេះហើយទើបមជ្ឈមណ្ឌល Jatayu Earth បានសម្រេចចិត្តសាងសង់រូបសំណាក់ដ៏ធំមួយដែលមានបណ្តោយប្រវែង៦១ម៉ែត្រ ទទឹងប្រវែង៤៦ម៉ែត្រ និង កំពស់២០ម៉ែត្រ ដែលសាងសង់ឡើងដោយលោក Anchal និង ក្រុមស្ថាបត្យកររបស់គាត់ដោយប្រើរយៈពេលអស់១០ឆ្នាំក្នុងការសាងសង់ឡើង។ សំណង់ស្ថាបត្យកម្មមួយនេះក៏បានបើកស្វាគមន៍ភ្ញៀវទេសចរជាតិ និង អន្តរជាតិឱ្យចូលទៅទស្សនាដើម្បីផ្តិតយករូបភាពផងដែរ៕