Connect with us

ត្រាំ​ ​ប្រមាថ​ចៅហ្វាយ​ក្រុង​ឡុងដ៍​ ​សុទ្ធតែ​ជា​ ​”​មនុស្ស​អត់​បានការ​”​

​អង់គ្លេស​៖​ ​លោក​ប្រធានាធិបតី​អាមេរិក​ ​ដូ​ណាល់​ ​ត្រាំ​ ​បាន​ឆ្លើយតប​នឹង​លោក​អភិបាល​ក្រុង​ឡុងដ៍​ ​បន្ទាប់ពី​អភិបាល​រូប​នេះ​ ​បាន​រិះគន់​លោក​ត្រាំ​ ​អំឡុង​ដំណើរ​ទស្សនកិច្ច​ផ្លូវរដ្ឋ​ទៅកាន់​ចក្រភព​អង់គ្លេស​ ​កាលពី​ថ្ងៃទី៣​ ​ខែមិថុនា​ ​ឆ្នាំ២០១៩​។​ ​លោក​ត្រាំ​ ​បាន​ហៅ​លោក​អភិបាល​ក្រុង​ឡុងដ៍​ ​Sadiq​ ​Khan​ ​ថា​ជា​មនុស្ស​ដែល​អត់​បានការ​ ​ហើយ​គាត់​គួរតែ​ខិតខំ​ដោះស្រាយ​បទល្មើស​នៅ​ទី​ក្រុង​ឡុងដ៍​វិញ​។​

​អ្នកនាំពាក្យ​របស់​លោក​ ​Khan​ ​បាន​ឆ្លើយតប​នឹង​ការប្រមាថ​របស់​លោក​ត្រាំ​ថា​ ​ជា​ការប្រមាថ​បែប​កូនក្មេង​។​

​មុន​ទៅដល់​ក្រុង​ឡុងដ៍​ ​លោក​ត្រាំ​ ​បាន​សរសេរ​បង្ហោះ​នៅ​លើ​បណ្ដាញ​ទំនាក់ទំនង​សង្គម​ ​Twitter​ ​ថា​៖​ ​”​ ​Sadiq​ ​Khan​ ​ដែល​ធ្វើការ​មិនបាន​ល្អ​ក្នុងនាម​ជា​អភិបាល​ក្រុង​ឡុងដ៍​ ​បាន​បង្ហាញ​ភាព​ល្ងីល្ងើ​ ​ចំពោះ​ដំណើរ​ទស្សនកិច្ច​របស់​ប្រធានាធិបតី​អាមេរិក​ ​ដែល​ជា​សម្ព័ន្ធ​មិត្ត​ដ៏​សំខាន់​បំផុត​របស់​ចក្រភព​អង់គ្លេស​។​ ​គេ​ជា​មនុស្ស​បរាជ័យ​បំផុត​នេះ​ ​ដែល​គួរតែ​ខិតខំ​ដោះស្រាយ​បទល្មើស​នៅ​ទី​ក្រុង​ឡុងដ៍​វិញ​ ​ជាជាង​មក​និយាយ​ប៉ះពាល់​ខ្ញុំ​”​។​

​លោក​ត្រាំ​ ​បានប្រៀប​ធៀប​លោក​ ​Khan​ ​ជាមួយ​អភិបាល​ក្រុង​ញ៉ូ​យ៉​ក​ ​លោក​ ​Bill​ ​De​ ​Blasio​ ​ដែល​បំពេញការងារ​របស់​ខ្លួន​មិនបាន​ល្អ​ដូចគ្នា​។​

​សូមជម្រាប​ថា​ ​កាលពី​ឆ្នាំ២០១៦​ ​អ្នក​ទាំងពីរ​ក៏​ធ្លាប់​ប៉ះទង្គិច​ពាក្យសម្ដី​ម្ដង​ដែរ​ ​ដោយ​គ្រានោះ​ ​លោក​ ​ត្រាំ​ ​បាន​ហៅ​លោក​ ​Khan​ ​មក​ប្រកួត​តេ​ស្ត​សមត្ថភាព​ផ្នែក​ ​IQ​ ​។​ ​កាលពី​ឆ្នាំ២០១៧​ ​លោក​ប្រធានាធិបតី​អាមេរិក​ ​ក៏បាន​រិះគន់​លោក​ ​Khan​ ​ម្ដងទៀត​ ​បន្ទាប់ពី​មានការ​វាយប្រហារ​នៅ​ស្ពាន​ ​London​ ​Bridge​ ​និង​ផ្សារ​ ​Borough​ ​៕​

​ប្រភព​៖​ ​BBC​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

    Loading...

    ពេញនិយម