សំរាម​នៅ​ចិន​ ​ទុកដាក់​ត្រឹមត្រូវ​ ​ខណៈ​ចិន​នៅ​បរទេស​ ​ចោលសំរាម​គ្មាន​គិត​ពី​ម្ចាស់ផ្ទះ​

​ចិន​៖​ ​លោក​ប្រធានាធិបតី​ចិន​ ​ស៊ី​ ​ជិន​ពីង​ ​កាលពី​ថ្ងៃទី៣​ ​ខែមិថុនា​ ​ឆ្នាំ២០១៩​ ​បាន​ថ្លែង​ថា​ ​លោក​ពេញចិត្ត​នឹង​ការ​ខិតខំ​ប្រឹងប្រែង​ ​និង​ទម្លាប់​ដ៏​ល្អ​របស់​ប្រជាជន​ចិន​ ​ដែល​ចេះ​ទុកដាក់​សំរាម​បាន​ត្រឹមត្រូវ​ ​ដោយ​ចែក​ដាច់​ពីគ្នា​តាម​ប្រភេទ​នី​មួយ​ៗ​ ​ដើម្បី​លើកកម្ពស់​ការរស់នៅ​ស្អាត​ ​និង​រួមចំណែក​ការ​អភិវឌ្ឍ​ពណ៌បៃតង​។​

​លោក​ប្រធានាធិបតី​ចិន​ ​បន្ត​ថា​ ​ការចែក​ប្រភេទ​សំរាម​នេះ​ ​បាន​ជួយ​ដល់​ការគ្រប់គ្រង​ផ្នែក​វិទ្យាសាស្ត្រ​ ​បង្កើត​យន្តការ​ជាមួយ​ប្រសិទ្ធភាព​យូរអង្វែង​ ​និង​បង្កើត​ទម្លាប់​ល្អ​របស់​ប្រជាជន​។​ ​លោក​ ​ក៏បាន​ជំរុញ​ឱ្យ​អាជ្ញាធរ​ ​ពង្រឹង​ការ​ចុះ​ណែនាំ​ប្រជាជន​ចំពោះ​ការ​ចោលសំរាម​ផង​ដែរ​។​ ​គិត​ត្រឹម​ចុងឆ្នាំ២០២០​ ​ទីក្រុង​សំ​ខាន់​ៗ​ចំនួន​ ​៤៦​ ​នៅក្នុង​ប្រទេស​ចិន​ ​នឹង​ត្រូវ​បំពាក់​ប្រព័ន្ធ​ចែក​ប្រភេទ​សំរាម​នេះ​។​

យ៉ាងណាក៏ដោយ​ ​បញ្ហា​សំរាម​នេះ​ ​គឺ​ប្រជាជន​ចិន​មួយចំនួន​ ​ដែល​ទៅ​ធ្វើការ​ ​ឬ​ទេសចរណ៍​ ​នៅ​បរទេស​ ​ពុំសូវ​មានការ​យកចិត្ត​ទុកដាក់​ឡើយ​ ​ដោយ​ពួកគេ​ ​បាន​ចោលសំរាម​ពាសវាលពាសកាល​ ​ដែល​បង្ក​ផល​ប៉ះពាល់​ដល់​បរិស្ថាន​របស់​ប្រទេស​ទាំងនោះ​។​ ​ទម្លាប់​អាក្រក់​នេះ​ ​បាន​កើតឡើង​ ​ចាប់ពី​ឪពុកម្ដាយ​ ​ដល់​កូន​ ​ក្នុង​សង្គម​ចិន​យូរណាស់​មក​ហើយ​ ​ជាពិសេស​ ​ការ​ខាកស្ដោះ​ ​និង​ចោល​កន្ទុយបារី​ ​នៅ​តាម​ទី​សាធារណៈ​ ​តែងតែ​កើតមាន​ជា​រឿយ​ៗ​៕​

​ប្រភព​៖​ ​CGTN​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​