កញ្ញា បាន មុន្នីល័ក្ខ និង នាយ ពាក់មី ចែកមួកសុវត្ថិភាពដល់អ្នកបើកបរម៉ូតូ

២ ឆ្នាំមុន

ខែមិថុនា ៥, ២០១៩ កម្សាន្ត

ភ្នំពេញ៖ តារាចម្រៀង Cover Song ដែលស្ថិតក្នុងដួងចិត្តទស្សនិកជន ដែលមានប្រជាប្រិយភាពមិនចាញ់កំពូលតារាល្បីៗមួយចំនួននោះ ស្រាប់តែធ្វើរឿងដ៏ល្អមួយសម្រាប់សង្គមក្នុងការជួយដល់បងប្អូនអ្នកធ្វើដំណើរដែលបើកម៉ូតូមិនទាន់មានមួកសុវត្ថិភាព។

កញ្ញា បាន មុន្នីល័ក្ខ នាយ ពាក់មី និងតារាជាច្រើនរូបទៀតបាននាំគ្នាចុះផ្សព្វផ្សាយពីច្បាប់ចរាចរណ៍ ថែមទាំង ចែកមូកសុវត្ថិភាពជាច្រើនដល់អ្នកធ្វើដំណើរតាមដងផ្លូវដែលមិនទាន់មានមូកសុវត្ថិភាពការពារគ្រោះថ្នាក់ចរាចរណ៍។

កញ្ញា បាន មុន្នីល័ក្ខ បានប្រាប់ក្រុមការងារ MyTV Plus ថា ”នេះជាការងារដែលគាត់ស្រឡាញ់ វាល្អសម្រាប់ការជួយគ្នាទៅវិញទៅមក ហើយ បាន មុន្នីល័ក្ខ បានបន្តថា ចូលរួមថ្ងៃនេះជាមួយការចែកមួកសុវត្តិភាព ជាមួយបងប្រុស ហេង ឡុង និងបងៗសិល្បៈរួមទាំងបងៗយុវជន ជូនដល់បងប្អូនកំពុងធ្វេីដំណេីរតាមដងផ្លូវ ...មួយសុវត្តិភាពមួយស្មេីជីវិតមួយ សូមចូលរួមគោរពច្បាប់ចរាចរណ៍ទាំងអស់គ្នា។”

ពិតជាគួរឱ្យសរសើរដល់ កញ្ញា បាន មុន្នីល័ក្ខ ខ្លាំងណាស់ដែលជាតារាគម្រូមួយរូបក្នុងការអប់រំទាក់ទងនឹងសុវត្ថិភាពចរាចរណ៍បែបនេះ។ ទស្សនិកជនជាច្រើនបានលើកសរសើរហើយបញ្ចញមតិចង់ឃើញកញ្ញាច្រៀងចម្រៀងអប់រំទាក់ទងនឹងសុវត្ថិភាពចរាចរណ៍៕