Connect with us

តោះ​មក​ស្គាល់​ចុងភៅ​ទាំង​ ​៣​ ​រូប​ដែល​ដណ្តើម​បាន​មេដាយមាស​ ​ជូន​កម្ពុជា​

រាជធានីភ្នំពេញ៖ កាលពីពេលថ្មីៗនេះ ក្រុមចុងភៅកម្ពុជា បាននាំយកមកនូវកិត្តិយសជូនជាតិមាតុភូមិ ដោយទទួលបានជ័យលាភីចំណាត់ថ្នាក់លេខ ១ ក្នុងវិញ្ញាសារប្រកួតជាក្រុមគ្នាបីនាក់ ក្នុងកម្មវិធីប្រកួត Thailand Ultimate Chef Challenge ឆ្នាំ២០១៩ លើវិញ្ញាសា Best Asian Gourmet Challenge ក្នុងចំណោម ១៤ ប្រទេសក្នុងតំបន់អាស៊ី។

ចុងភៅទាំងបីដែលទទួលបានជ័យលាភីលេខ ១ និងដណ្តើមបានមេដាយមាសសជូនកម្ពុជា មានដូចជា លោក ស្រី បូរ៉ា ដែលមកពីភោជនីយដ្ឋាន The Kitchen Dining, លោក ឈន ប៊ុនឈូ ដែលមកពី Temple Retreat និងលោក ទឹម ភក្រ័ ដែលមកពី Templation Angkor Hotel។ មិនតែប៉ុណ្ណោះ ក្រុមចុងភៅខ្មែរទាំង ២៧ រូប ក៏បានដណ្តើមបានមេដាយប្រាក់ចំនួន ៦ និងសំរិទ្ធចំនួន ១៨ ផងដែរ។

ទឹម ភក្រ័

គួរបញ្ជាក់ផងដែរថា មុខម្ហូបដែលទទួលបានពានមាសដែលចម្អិនដោយចុងភៅទាំង ៣ នាក់ខាងលើមានដូចជា ញ៉ាំក្រូចថ្លុងបង្គារ សាច់គោអាំងទឹកប្រហុក សម្លរប្រហើរ អាម៉ុកត្រី ការីសាច់មាន់ ឆាកង្កែបម្រេចកំពត ខប៉េងប៉ោះ គ្រំបំពងជ្រក់ស្វាយ បាយសម្រូបសណ្តែកខ្មៅ និងសង្យាល្ពៅ ដែលសុទ្ធសឹងតែជាមុខម្ហូបដ៏ពេញនិយមរបស់ខ្មែរ៕

ស្រី បូរ៉ា

ឈន ប៊ុនឈូ

អត្ថបទ៖ ណារ៉ូត

    Loading...

    ពេញនិយម