Connect with us

ទាល់តែប្រពន្ធបង្ហោះរូប២០ឆ្នាំមុន ទើបដឹងថា ធ្លាប់ជួបគ្នានៅកន្លែងដើរលេង

ប្រទេសចិន៖ រឿងនិស្ស័យ ទោះបីជាអ្នកមិនជឿ ក៏មិនបានដែរ ដោយមានគូស្នេហ៍មួយគូ គឺលោក Ye និង អ្នកនាង Xue បានរៀបអាពាហ៍ពិពាហ៍ជាមួយគ្នាអស់រយៈពេលជាច្រើនឆ្នាំ ទាំងមិនបានដឹងឡើយថា អ្នកទាំងពីរ ធ្លាប់បានទៅថតនៅតំបន់ May Fourth Square នៅពេលដំណាលគ្នា កាលពីខែកក្កដា ឆ្នាំ២០០០។

រឿងរ៉ាវត្រូវបានបែកធ្លាយនៅពេលប្រពន្ធរបស់លោក បានបង្ហោះរូបរបស់គាត់ នៅលើបណ្តាញសង្គម។ លោក ពិតជាមានការភ្ញាក់ផ្អើលខ្លាំងមែនទែន នៅពេលដែលឃើញរូបខ្លួនឯងនៅពីក្រោយ ព្រោះលោក ក៏កំពុងឈរថតនៅទីនោះដូចគ្នា គ្រាន់តែស្ថិតនៅចំណុចខុសគ្នា។ លោកបង្ហើបថា ពួកគាត់មានគម្រោងនឹងទៅថតនៅទីនោះម្តងទៀត នៅពេលដែលកូនរបស់ពួកគាត់ធំធាត់៕

ប្រែសម្រួល៖ គង់ ចាន់ស្រីនុច

    Loading...

    ពេញនិយម