James Rodriguez ចេញពី Bayern Munich មុនកុងត្រាខ្ចីជើងចប់

៣ ឆ្នាំមុន

ខែមិថុនា ៧, ២០១៩ កីឡា

អាល្លឹម៉ង់៖ ខ្សែប្រយុទ្ធរបស់ Real Madrid កីឡាករ James Rodriguez បានចាកចេញពី Bayern Munich មុនពេលដែលកុងត្រាខ្ចីជើងបញ្ចប់ បន្ទាប់ពីបានស្នើសុំឱ្យក្លិបអាល្លឺម៉ង់មួយនេះ កុំទិញគេជាផ្លូវការពី Real Madrid។

ក្លិបយក្សនៅ Bundesliga បានឱ្យដឹងថា កីឡាករសញ្ជាតិកូឡុំប៊ីរូបនេះ បានស្នើសុំអ្នកគ្រប់គ្រងក្លិប មិនឱ្យប្រើប្រាស់ជម្រើសទិញផ្ដាច់ ដូចដែលបានព្រមព្រៀងជាមួយក្រុម Real ។ ហើយក្រុមម្ចាស់ជើងឯកអាល្លឺម៉ង់ ក៍បានយល់ស្របតាមសំណើនោះ។

កីឡាករវ័យ ២៧ឆ្នាំដែលមានកុងត្រាខ្ចីជើងនៅ Bayern ដល់ថ្ងៃទី៣០ ខែមិថុនា បានចំណាយពេលពីររដូវកាល នៅក្នុងប្រទេសអាល្លឺម៉ង់ ដោយរកគ្រាប់បាល់បាន ១៥គ្រាប់ក្នុង ៦៧ប្រកួត និងរួមចំណែកឱ្យឈ្នះពានរង្វាន់ Bundesliga ពីរដង ក៏ដូចជាពាន German Cup ផងដែរ៕