តារាវ័យ ២៩ឆ្នាំ រៀបការជាមួយតា ៧១ឆ្នាំ បង្កការសាទរនៅម៉ាឡេស៊ី

៣ ឆ្នាំមុន

ខែមិថុនា ១១, ២០១៩ កម្សាន្ត

ម៉ាឡេស៊ី៖ អ្នកលេងបណ្ដាញទំនាក់ទំនងសង្គម នៅក្នុងប្រទេសម៉ាឡេស៊ី បាននាំគ្នាសាទរចំពោះមង្គលការរបស់សេដ្ឋីវ័យ ៧១ឆ្នាំ លោក Tai Huat Chang ជាមួយសិល្បករ Samantha Ee Kai Chee ដែលជាអតីតសមាជិកក្រុមចម្រៀងវ័យក្មេង ជំនាន់ឆ្នាំ៩០ ។

Samantha ដែលមានវ័យ ២៩ឆ្នាំ ធ្លាប់ជាសមាជិកក្រុម Four Golden Princess ដែលមានភាពល្បីល្បាញនៅម៉ាឡេស៊ី ខណៈលោក Tai Huat Chang ជាអ្នកជំនួញដ៏ជោគជ័យម្នាក់ និងជាប្រធានក្រុមហ៊ុនរ៉ែ G.E. Mining ។ ក្នុងពិធីអាពាហ៍ពិពាហ៍ នៅទីក្រុងកូឡាឡាំពួរ កាលពីពេលថ្មីៗកន្លងទៅ Samantha បង្ហើបថា ខ្លួនមានផ្ទៃពោះ ដែលគ្រោងសម្រាលនៅក្នុងខែកញ្ញា ខាងមុខនេះ។

យោងតាមសារព័ត៌មានក្នុងស្រុក បានចុះផ្សាយថា នៅថ្ងៃមង្គលការ អាយុរបស់អ្នកទាំងពីរ បានចេញជាលេខឆ្នោត៤ខ្ទង់ គឺ ២៩៧១ ដែលបង្កការភ្ញាក់ផ្អើលជាខ្លាំង៕