កម្ពុជា​ ​អាច​ប៉ះ​ក្រុម​អាស៊ី​អាគ្នេយ៍​ណាខ្លះ​ ​នៅ​វគ្គ​ជម្រុះ​ ​World​ ​Cup​ ​ជុំ​បន្ទាប់​?​

​ភ្នំពេញ​៖​ ​ក្រុមបាល់ទាត់​ជម្រើសជាតិ​កម្ពុជា​ ​បាន​ឆ្លងផុត​វគ្គ​ជម្រុះ​ជុំ​ទី១​ ​ពានរង្វាន់​ ​World​ ​Cup​ ​ឆ្នាំ២០២២​ ​បន្ទាប់ពី​បាន​យកឈ្នះ​លើ​ក្រុម​ប៉ាគីស្ថាន​ទាំងពីរ​ជើង​ ​ដោយ​លទ្ធផល​ ​២​-​០​ ​និង​ ​២​-​១​ ​សរុប​ ​៤​-​១​ ​។​ ​ដូច្នេះ​ ​កម្ពុជា​ ​ត្រូវ​ឡើង​ទៅ​ជុំ​បន្ត​ ​ដោយ​ស្ថិត​ក្នុង​ធុង​ ​Pot​ ​ទី៥​ ​សម្រាប់​ការ​ចាប់ឆ្នោត​ជុំ​ទី២​ ​វគ្គ​ជម្រុះ​ ​World​ ​Cup​ ​នេះ​។​

​បន្ទាប់ពី​បញ្ចប់​សព្វគ្រប់​ការប្រកួត​ជុំ​ទីមួយ​ ​គេ​រក​ឃើញ​ក្រុម​អាស៊ី​អាគ្នេយ៍​ ​តែ​ ​២ប៉ុណ្ណោះ​ ​ដែល​បាន​ឡើង​ ​គឺ​ ​កម្ពុជា​ ​និង​ ​ម៉ាឡេស៊ី​។​ ​ចំណែក​ ​ឡាវ​ ​ព្រុយ​ណេ​ ​និង​ ​ទីម័រខាងកើត​ ​បាន​ធ្លាក់​។ ​យោង​តាម​វេ​ប​សាយ​ ​Footy​ ​Rankings​ ​បានឱ្យ​ដឹង​ថា​ ​លទ្ធផល​នេះ​ ​មានន័យថា​ ​កម្ពុជា​ ​ឈរ​នៅ​ធុង​ឆ្នោត​ ​Pot​ ​ទី៥​ ​ជាមួយ​ឥណ្ឌូណេស៊ី​ ​និង​ ​សិង្ហបុរី​ ​ខណៈ​ ​ម៉ាឡេស៊ី​ ​នៅ​ ​Pot​ ​ទី៤​ ​ជាមួយ​ ​មីយ៉ាន់ម៉ា​។​ ​ដោយឡែក​ ​ក្នុង​ ​Pot​ ​ទី៣​ ​មាន​ ​ហ្វីលីពីន​ ​និង​ថៃ​ ​ស្រប​ពេល​ ​Pot​ ​ទី២​ ​មាន​ ​វៀតណាម​ ​ដែល​សុទ្ធតែ​ជា​ក្រុម​មក​ពី​អាស៊ី​អាគ្នេយ៍​។​ ​ក្រុម​នៅ​ ​Pot​ ​ជាមួយគ្នា​ ​មិន​អាច​ចាប់​ពូល​ជួបគ្នា​បានទេ​។​

​តាមរយៈ​ ​Pot​ ​ទាំងនេះ​ ​គេ​អាច​ប៉ាន់ស្មាន​ថា​ ​កម្ពុជា​ ​មាន​ភាគរយ​ស្ថិតនៅ​ក្នុង​ពូល​ ​ជាមួយ​ ​វៀតណាម​,​ ​ថៃ​ ​ឬ​ហ្វីលីពីន​,​ ​និង​ ​ម៉ាឡេស៊ី​ ​ឬ​ ​មីយ៉ាន់ម៉ា​។​ ​ការ​ចាប់ឆ្នោត​ ​ចែក​ពូល​វគ្គ​ជម្រុះ​ ​ជុំ​ទី២​ ​World​ ​Cup​ ​នឹង​ត្រូវ​ធ្វើឡើង​នៅ​ទីក្រុង​ដូហា​ ​ប្រទេស​កា​តា​ ​នា​ថ្ងៃទី១៧​ ​ខែកក្កដា​ ​ឆ្នាំ២០១៩​៕​

​អត្ថបទ​៖​ ​ចាន់​ ​សោភ័ណ្ឌ​លាភ​