Connect with us

គ្រាន់តែ​លាងចាន​ជាមួយ​ប្រពន្ធ​រាល់​យប់​ក៏អាច​ឱ្យ​ចំណង​អាពាហ៍​ពិពាហ៍​របស់​ ​Bill​ ​Gates​ ​និង​ប្រពន្ធ​ ​រឹងមាំ​ដែរ​

​អាមេរិក​៖​ ​ទាំងអស់គ្នា​គឺ​បាន​ស្គាល់​ពី​បុគ្គល​ជោគជ័យ​ដែល​ជាម​ហា​សេដ្ឋី​លំដាប់​កំពូល​លោក​ ​Bill​ ​Gates​ ​ហើយដែល​ពេលនេះ​លោក​បាន​ទម្លាយ​ពី​អាថ៌កំបាំង​ដែល​ធ្វើ​ឱ្យ​ជីវិត​អាពាហ៍​ពិពាហ៍​របស់​លោក​នៅតែ​ល្អ​។​ ​ចំណង​អាពាហ៍​ពិពាហ៍​រយៈពេល២៥ឆ្នាំ​របស់​មហាសេដ្ឋី​លំដាប់​កំពូល​ ​Bill​ ​Gates​ ​ដែល​បាន​ស្គាល់គ្នា​ជាមួយ​ភរិយា​របស់​លោក​ក្នុង​ឆ្នាំ១៩៨៧​ ​នៅពេល​ដែល​លោកស្រី​ ​Melinda​ ​Gates​ ​បាន​ចូលរួម​ពិភាក្សា​ការងារ​ ​Microsoft​ ​នៅ​អាហារ​ពេលល្ងាច​មួយ​។​ ​

អ្នក​ទាំងពីរ​បានសម្រេច​ចិត្ត​រៀប​អាពាហ៍​ពិពាហ៍​ដែល​ទទួល​បានកូន​ចំនួន៣នាក់​ ​និង​ ​រស់នៅ​ក្នុង​ផ្ទះ​តម្លៃ១២៤លាន​ដុល្លា​ ​មិន​ត្រឹមតែ​ប៉ុណ្ណោះ​អ្នក​ទាំងពីរ​ក៏បាន​ចំណាយ​ប្រាក់​ចំនួន៤៥ពាន់​លាន​ដុល្លា​ទៅលើ​សប្បុរសធម៌​ទៀតផង​។​ ​ទោះបីជា​មាន​លុយ​ចាយ​មិន​អស់​ ​ប៉ុន្តែ​លោក​មិន​មាន​ពេលវេលា​សម្រាប់​គ្រួសារ​ឡើយ​ដោយ​លោក​បាន​និយាយ​ថា​ ​នៅពេល​ដែល​ភរិយា​របស់​លោក​ពពោះ​កូន​ដំបូង​នាង​មាន​អារម្មណ៍​ថា​ឯកា​នៅក្នុង​ចំណង​អាពាហ៍​ពិពាហ៍​មួយ​នេះ​ដោយសារតែ​ក្នុងនាម Gates​ ​ជានា​យក​ប្រតិបត្តិ​របស់​ ​Microsoft​ ​ដូចនេះ​លោក​ត្រូវ​ចំណាយពេល​ដើម្បី​ហោះហើរ​ទៅក្រៅ​ប្រទេស​ជា​ញឹកញាប់​ដោយ​មិន​មាន​ពេលវេលា​សម្រាប់​គ្រួសារ​ឡើយ​ ​ជាហេតុ​ធ្វើ​ឱ្យ​ភរិយា​របស់​លោក​មានការ​ខកចិត្ត​ជា​ខ្លាំង​។

​ក្រោយមក​លោក​ក៏បាន​ផ្លាស់​ប្តូរ​ដើម្បី​ឱ្យ​មាន​តុល្យភាព​រវាង​មនុស្ស​ប្រុស​ ​និង​ ​មនុស្ស​ស្រី​ទៅលើ​ការងារ​ផ្ទះ​ដោយ​លោក​បាន​ចំណាយពេល​លាងចាន​ជាមួយ​ភរិយា​របស់​លោក​ក្រោយ​អាហារ​ពេលល្ងាច​រួច​ដើម្បី​រក្សា​ចំណង​អាពាហ៍​ពិពាហ៍​របស់​លោក​ឱ្យ​កាន់តែ​រឹងមាំ​ព្រោះ​អ្នក​ទាំងពីរ​រវល់​នឹង​ការងារ​រៀងខ្លួន​។ ​ដូចនេះ​មានតែ​ចំណាយពេល​វេលា​ធ្វើការងារ​ផ្ទះ​ជាមួយគ្នា​ប៉ុណ្ណោះ​ដែល​អាចប​ង្កើត​ភាព​ស្និទ្ធស្នាល​ជាមួយ​គ្រួសារ​បាន​ ​ដោយ​លោក​សង្កេតឃើញ​ថា​ ​ភាព​រីករាយ​ ​និង​ ​កក់ក្តៅ​ទាំងនេះ​ ​គ្មាន​អ្នកណា​ចាកចេញ​ពី​ផ្ទះបាយ​ឡើយ​លុះត្រាតែ​លោក​ចាកចេញ​មុន​ ​ដែល​សកម្មភាព​ទាំងនេះ​បាន​ផ្តល់​ការ​យកចិត្ត​ទុកដាក់​ចំពោះ​គ្រួសារ​ ​និង​ធ្វើ​ឱ្យ​ម្នា​ក់ៗ​ចូលរួម​ជួយ​ធ្វើការងារ​ផ្ទះ​គ្រប់គ្នា​រហូត​ពេលនេះ​វា​បាន​ក្លាយជា​ប្រពៃ​ណៃ​មួយ​សម្រាប់​ ​Gates​ ​និង​ ​គ្រួសារ​៕​

​ប្រែ​សម្រួល​៖​ ​គង់​ ​ចាន់​ស្រី​នុច​

  • អត្ថបទទាក់ទង :
  • Featured
Loading...

ពេញនិយម