Chelsea យល់ព្រមលើកិច្ចព្រមព្រៀងមួយដែលអនុញ្ញាតឱ្យលោក Sarri ទៅដឹកនាំ Juventus

២ ឆ្នាំមុន

ខែមិថុនា ១៤, ២០១៩ កីឡា

អង់គ្លេស៖ Chelsea បានយល់ព្រមលើកិច្ចព្រមព្រៀងជាមួយអ្នកចាត់ការទូទៅរបស់ខ្លួន លោក Maurizio Sarri ដើម្បីចូលរួមជាមួយក្រុមម្ចាស់ជើងឯក Serie A Juventus។ កិច្ចព្រមព្រៀងមួយត្រូវបានធ្វើឡើងនៅល្ងាចថ្ងៃព្រហស្បតិ៍ បន្ទាប់ពីកិច្ចពិភាក្សារវាងមន្រ្តីជាន់ខ្ពស់របស់ក្លិបទាំង២ ហើយនេះអាចនឹងត្រូវបញ្ចប់រយៈពេលប៉ុន្មានថ្ងៃខាងមុខ ដោយត្រូវបានយល់ព្រមលើតម្លៃសំណងលើសពី ៥លានផោន។

ទោះបីជាគ្រូបង្វឹករូបនេះទើបចុះហត្ថលេខារយៈពេលបីឆ្នាំកាលពីខែកក្កដាកន្លងទៅ ប៉ុន្តែគាត់នឹងក្លាយជាអ្នកចាត់ការទី៩ ដែលចាកចេញពីក្លិបក្រោមការដឹកនាំរបស់ម្ចាស់ក្លិបលោក Roman Abramovich។គួរបញ្ជាក់ផងដែរថា Sarri ចូលរួមជាមួយ Chelsea ពីក្លិប Napoli កាលពីខែកក្កដាឆ្នាំ ២០១៨ ហើយបានដឹកនាំក្រុមតោខៀវឈរនៅលំដាប់ទីបីនៅក្នុងក្របខ័ណ្ឌ Premier League និងបានឈ្នះពានរង្វាន់ Europa League ក្នុងរដូវកាលដំបូងរបស់ខ្លួន៕