ថៃ បានលុយជាង១០លានដុល្លារ ដោយផ្ដល់ទីតាំងថតភាពយន្តហូលីវូដ Fast 9

២ ឆ្នាំមុន

ខែមិថុនា ១៧, ២០១៩ កម្សាន្ត

ថៃ៖ ភាពយន្ត ”Fast and Furious 9” នឹងត្រូវថតនៅក្នុងខេត្តថៃ ចំនួន ៤ នៅក្នុងខែកក្កដា ឆ្នាំ២០១៩ ខាងមុខ នេះបើយោងតាមសេចក្ដីប្រកាស ក្នុងជំនួបរវាងអភិបាលខេត្តថៃ កាលពីថ្ងៃទី១៥ ខែមិថុនា ឆ្នាំ២០១៩។

ខេត្ត៤ ដែលជាទីតាងថតភាពយន្ត Fast and Furious 9 មាន ខេត្តភូកេត, Phang Nga, ក្រាប៊ី និង Surat Thani ។ ការថត នឹងប្រើប្រាស់ពេលជិត១ខែ គឺចាប់ពីថ្ងៃទី១ ដល់ ២៧ ខែកក្កដា ឆ្នាំ២០១៩ ដោយគ្រោងចំណាយប្រមាណ ៣៤០លានបាត ឬជាង ១០លានដុល្លារអាមេរិក។

អភិបាលខេត្តក្រាប៊ី លោក Kitibadee Prawit បានអះអាងថា នេះជាឱកាសសម្រាប់ប្រទេសថៃ ក្នុងការទាក់ទាញអ្នកទេសចរអន្តរជាតិ មកកម្សាន្តនៅប្រទេសថៃ តាមរយៈភាពយន្តខាងលើ។ លោកបន្តថា ការថតនេះ នឹងមានឈុតឆាកនៅតាមដងផ្លូវមួយចំនួន ផងដែរ៕